![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fd/Vaisseau_fran%25C3%25A7ais_le_Saint-Esprit_au_combat_en_1782.jpg/640px-Vaisseau_fran%25C3%25A7ais_le_Saint-Esprit_au_combat_en_1782.jpg&w=640&q=50)
Lestr eus al linenn
From Wikipedia, the free encyclopedia
Al lestr eus al linenn, pe batimant eus al linenn pe lestr linenn a zo bet al lestr brezel zo bet diazez ar brezel war vor etre ar morluoù european, eus deroù an XVIIvet betek kreiz an XXvet. E berzh pennañ a oa en em gannañ dreist-holl gant e ganolioù, e-skoaz al listri a oa a-raok a implije an arsailh bourzh-ouzh-bourzh, pe a gentraoue o enebour. Implij ar ger "linenn" en e anv a zeu eus o doare d'en em gannañ e linennoù emgann. Listri ur strollad-listri a verdee a-steud, ar pezh a roe o zu dezhe d'implijout o c'hanolioù dre zigoroù o c'hostezioù diouzh ar gwellañ hag a zigreske ar riskl da dennañ an eil re war ar re all. Adalek an Eil Brezel-bed e tigreskas pouez al listri eus al linenn, hobregonet hiviziken, dirak hini an dougerien kirri-nij, a oa gouest da dizhout palioù kalz pelloc'h a-drugarez d'an nijerezed.
![Thumb image](http://upload.wikimedia.org/wikipedia/commons/thumb/8/8e/Napoleon%281850%29.jpg/640px-Napoleon%281850%29.jpg)
An diwezhañ lestr eus al linenn a oa savet a oa ar morreder emgann HMS Vanguard eus ar Royal Navy. Boulc'het e oa e 1941 ha lakaet er mor e 1944. Implijet e oa adalek 1946 ha kemera reas perzh e kalz kefridioù gweladennoù er C'hommonwealth gant ar roue hag ar rouanez en e vourzh. E 1949 e oa lestr amiral ar Royal Navy er Mor Kreizdouar. E fin ar memes bloavezh e oa eoriet ouzh ar c'hae e tachenn ar morlu e Portland, hag e oa implijet evel ponton skol. Kondaonet e oa e 1959 ha distrujet.