Le Secret d'Eunerville
From Wikipedia, the free encyclopedia
Le Secret d'Eunerville a zo ur romant polis gallek savet gant Boileau-Narcejac, embannet e 1973[1] gant Librairie des Champs-Élysées[2] hag er gelaouenn programmoù skinwel Télé 7 jours eus ar 17 a viz C'hwevrer d'an 2 a viz Mezheven.
Un drevezadur an hini eo eus troioù-kaer Arsène Lupin, anv an dudenn faltazi krouet e 1905 gant Maurice Leblanc (1864-1941).
Evit Thomas Narcejac (1908-1998) ne oa ket un taol-esae dre m'en devoa savet un teskad danevelloù, ennañ oberennoù skrivet e doare skivragnerien vrudet all, evel Charteris, Chesterton, Christie, Conan Doyle, Simenon ha Véry, embannet e miz Genver 1946 : anvet Confidences dans ma nuit e c'halled lenn ennañ L’Affaire Oliveira, e doare M. Leblanc dija.
E 1974 e voe deroet d'ar romant ar priz Mystère de la critique digant ar gelaouenn Mystère magazine[3].
War-lerc'h Le Secret d'Eunerville e voe skrivet pevar romant all en hevelep doare — La Poudrière (1974), Le Second Visage d'Arsène Lupin (1975), La Justice d'Arsène Lupin (1977) ha Le Serment d'Arsène Lupin (1979) — gant Narcejac hag e geneil Pierre Louis Boileau (1906-1989).