Kaozeadenn Patrom:Arabat kemm
From Wikipedia, the free encyclopedia
Arabat kemm! biskoazh! kemm eo diazez ar wikipedia hervez ar reolennoù. E-maez ar reolenn eo an "arabat kemm " eta. Bianchi-Bihan (kaozeal) 1 Du 2014 da 11:04 (UTC)
- Ha klask a ri kompren un deiz bennak mont en-dro ar Wikipedia? An dra-mañ a gaver war an holl wikipediaoù all, evel an hini saoznek amañ .--Trec'hlid mitonet (kaozeal) 1 Du 2014 da 12:23 (UTC)
- Pennad war ober : setu aze un droienn a glever hag a lenner bremañ muioc'h-mui gant nevezvrezhonegerien. Met din da c'houzout eo dianav d'ar vrezhonegerien vat ha n'eus roud ebet eus an dra-se e brezhoneg komzet nag e brezhoneg skrivet. Evel ma skrive Bianchi-Bihan (diwar-benn frazennoù ha gerioù all), klaskomp ober gantur yezh eeun pa c'haller, plijus da gement Yann Vrezhoneg a zo. Kinnig : Ar pennad-mañ emeur o sevel er mare-mañ.--Llydawr 9 Meu 2006 da 21:26 (UTC)
- War geriadur an Here pennad war e lennan skouerioù eus implij war + anv-verb (IB5 hag IB6). Gant skouerioù evel war zimeziñ emañ (o vont da zimeziñ) pe Houarn war deuziñ (o teuziñ end eeun). Setu, ma c'haller ober gant Houarn war deuziñ (= o teuziñ), perak ne vije ket tu d'ober gant pennad war ober, labour war ober ? Ma vez anv eus brezhoneg eeun skañv ha berr e kavan kenkoulz Pennad war ober eget Ar pennad-mañ emeur o sevel er mare-mañ a gavan un tamm mat landrammusoc'h. Marteze eo techet an nevezvrezhonegerien d'ober muioc'h gant patromoù zo evit na raje brezhonegerien all met n'eo ket dre ret atav a-enep da spered ar yezh. --Fulup 9 Meu 2006 da 21:40 (UTC)
- Evel-just e c'heller lavarout Houarn war deuziñ (= o teuziñ), un tamm evel ma c'heller lavarout war gresk. War zimeziñ en deus ur ster all (=o vont da zimeziñ, war-nes dimeziñ). Petra a dalvez pennad war ober ? Pennad oc'h ober ? Pennad o vont d'ober ?... Petra a dalvezfe an traoù-se ? Ne gavan skouer ebet nag e geriadur An Here nag e lec'h all (Trésor du Breton Parlé, Geriadur Istorel, geriadur Favereau...) eus war + anv-verb gant ar ster a fell da dud zo reiñ d'an droienn war ober. Graet em eus ur c'hinnig. Ma fell da dud all ober re all, n'eo ken gwell a se ! --Llydawr 9 Meu 2006 da 22:10 (UTC)
- Mat, kompren a ran ar pezh a fell dit lavaret daoust ma kav din e c'haller kompren pennad war ober evel pennad o vezañ savet. Da'm soñj e c'haller en em dennañ gant Pennad war ar stern marteze ?
Waf! Arabat kemm zo troet bremaén gant 'in use' e saozneg! Kompren a ran bremañ perak e vez kavet traoù a-dreuz en alioù kuzul skiantel an ofis santel. Bianchi-Bihan (kaozeal) 1 Du 2014 da 12:36 (UTC)
- N'eo ket titl ar patrom a zo talvoudus, ar pezh a zo da lenn an hini eo: «O labourat war ar pennad emeur er mare-mañ, gortozit mar plij a-raok cheñch tra pe dra». Ar patrom a oa aze abaoe 2006 ha ne oa ket bet graet ganin.--Trec'hlid mitonet (kaozeal) 1 Du 2014 da 12:42 (UTC)