From Wikipedia, the free encyclopedia
Jørgen Engebretsen Moe (22 a viz Ebrel 1813 - 27 a viz Meurzh 1882) a oa ur barzh hag un dastumer kontadennoù eus Norvegia. Un den a bouez e voe en adsav lennegel ha broadel Norvegia en XIXvet kantved. Eskob Christiansand e voe eus 1875 betek 1881.
Ganet e voe Moe war ar maez e Hole, Ringerike. Pa oa bugel e lenne kalz ha plijout a rae dezhañ selaou an istorioù kontet da noz en-dro d'an oaled, e ti e familh hag e ti an amezeien.
Asambles gant Peter Christen Asbjørnsen, ur c'hamarad skol dezhañ, e tastumas hag e embannas kontadennoù pobl (eventyr) e norvegeg, anvet Norske folke og huldre-eventyr (1841-1844).
Embann a reas ivez un dastumad barzhonegoù romantel savet gantañ e 1850, koulz hag un teskad istorioù evit ar vugale, I brønden og i kjœrnet (1851).
E vab, Moltke Moe, a voe arbennigour war ar c'hontadennoù pobl ivez, ha kelenner lennegezh pobl e Skol-veur Christiania.
Bras e voe levezon labour Jørgen Moe ha Peter Christen Asbjørnsen war sevenadur Norvegia. Evit Norvegiz eo ken pouezus anvioù Asbjørnsen ha Moe ha ma c'hall bezañ anvioù ar baotred Grimm evit an Alamaned. Ouzhpenn dastum ha gwareziñ lennegezh pobl Norvegia hag embann an danvez-se evit an holl, o deus graet kalz evit adsav an norvegeg.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.