José de Ribera (Játiva, 12 Genver 1591 - 1652) a oa ul livour spagnol eus ar XVIIvet kantved.
![Thumb](http://upload.wikimedia.org/wikipedia/commons/thumb/d/d0/Sileno_ebrio%2C_por_Jos%C3%A9_de_Ribera.jpg/640px-Sileno_ebrio%2C_por_Jos%C3%A9_de_Ribera.jpg)
![Thumb](http://upload.wikimedia.org/wikipedia/commons/thumb/8/85/El_sue%C3%B1o_de_Jacob%2C_by_Jos%C3%A9_de_Ribera%2C_from_Prado_in_Google_Earth.jpg/640px-El_sue%C3%B1o_de_Jacob%2C_by_Jos%C3%A9_de_Ribera%2C_from_Prado_in_Google_Earth.jpg)
![Thumb](http://upload.wikimedia.org/wikipedia/commons/thumb/a/ad/El_patizambo%2C_por_Jos%C3%A9_de_Ribera.jpg/640px-El_patizambo%2C_por_Jos%C3%A9_de_Ribera.jpg)
Anavezet e oa ivez evel Jusepe de Ribera ha Giuseppe Ribera en italianeg, hag ivez evel Lo Spagnoletto (ar Spagnolig), dre ma sine e daolennoù "Jusepe de Ribera, español" hag e oa bihan e vent.
Un arzour spagnol a bouez eo bet, goude ma en deus labouret pell amzer en Italia, ken e vez sellet outañ evel un arzour italian.
![Thumb](http://upload.wikimedia.org/wikipedia/commons/thumb/1/1a/%28Toulouse%29_D%C3%A9mocrite_%281630%29_-_Jusepe_de_Ribera_-_Madrid%2C_Museo_Nacional_del_Prado.jpg/640px-%28Toulouse%29_D%C3%A9mocrite_%281630%29_-_Jusepe_de_Ribera_-_Madrid%2C_Museo_Nacional_del_Prado.jpg)
Unan eus livourien veur Europa ar XVIIvet kantved e oa ha levezonet en deus livourien eus Italia kenkoulz evel re eus an Izelvroioù, ha laosket en deus e roud don en arz Spagn.
Pa erruas en Italia edo nevezenti an doare-livañ hervez Caravaggio o vleuniañ, o keveziñ gant an doare roman ha bolognesat a oa o neveziñ ar gizioù klasel. Abalamour da se e tibabas ober gant an "teñvalerezh" degaset gant ar Flamanked hag Izelvroiz a oa e Roma d'an ampoent, met daoust da se e teske ober gant stummoù kaer ar bed klasel.
En em stummañ a reas o studiañ liverezh meur an Azginivelezh italian a voe mestroniet gantañ buan. Un dra all a lak anezhañ da vout disheñvel eus livourien spagnol e amzer eo e anaoudegezh eus an henamzer klasel, unan eus diazezoù al liverezh barok europeat.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.