From Wikipedia, the free encyclopedia
John Langalibalele Dube (22 C'hwevrer 1871, Inanda, Suafrika – 11 C'hwevrer 1946, Durban, Suafrika) a oa ur skrivagner, kazetenner, politiker ha prederour eus Suafrika e zouloueg. Bez' e voe prezidant kentañ ar South African Native National Congress (SANNC), aet diwezhatoc'h da African National Congress.
Dont a rae John Dube eus ur familh uhel, ha mab d'ur pastor e oa. Skoliet e voe gant misionerien stadudanat ha da 16 vloaz e voe kaset d'ar Stadoù Unanet gant ar visionerien-se da zaremprediñ ur skol gristen eno, an Oberlin Institute. Er Stadoù Unanet e welas John Dube ur vro ma oa bet lamet ar sklaverezh. Distreiñ a reas da Suafrika ma voe misioner d'e dro ha ma krouas skolioù adalek 1900. Ur stourmer evit gwirioù ar re zu e voe ha skrivañ a reas kalz, e zouloueg hag e saozneg. E 1930 e embannas ur romant istorel e zouloueg, "Ujege, mevel Shaka". Skrivañ a reas ivez levrioù diwar-benn buhezioù ar rouaned zoulou, evel ar roue Dinizulu.
John Dube ne oa ket un dispac'hour hag an SANNC ne oa ket ur strollad dispac'hourien kennebeut evel ma teuas an ANC da vezañ diwezhatoc'h. Met a-hed e vuhez e stourmas evit gwirioù mab-den hag evit unaniezh ar re zu.
Dube, asambles gant e wreg Nokutela Dube, a savas ar gazetenn gentañ e zouloueg, Ilanga laseNatal.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
