skrivagner gallek From Wikipedia, the free encyclopedia
Jean-Jacques Rousseau a oa ur prederour swis, ganet d'an 28 a viz Even 1712 hag aet da Anaon d'an 2 a viz Gouere 1778. Brudet eo bet dre skrivañ Les Confessions. Mennozhioù ha prederiadennoù Jean-Jacques Rousseau a oa ul lodenn eus al luskad ar Sklêrijennoù. Skeud e soñjoù a c'holoas ivez an Dispac'h gall. Hiziv-an-deiz c'hoazh e vez skeud Rousseau war tachennoù lies evel ar politikerezh, an ekonomiezh hag an deskadurezh.
E-pad an Dispac'h gall, Rousseau a oa brudet mat evel prederour e-touez izili ar C'hlub Jakobin. Interet e vo evel un haroz broadel er Panthéon e Pariz, e 1794, 16 vloaz goude e varv.
Rousseau a voe ganet e Geneva, a oa ur gêr-Stad protestant keneilet gant Kevredad Suis. Abaoe 1536, Geneva a oa ur Republik Huguenot hag ul lec'h diazez er C'halvinism. Pemp remziad a-raok ganedigezh Rousseau, e hendad Didier, ur gwerzher levrioù en dije bet embannet traktoù protestant, ha deuet e vefe a-benn da derc'hout rak ar c'hallaoued katolik en ur vont da Geneva e 1549. Eno e oa deuet da vezañ tavarnoour.
Rousseau a oa lorc'hus eus e familh, unan klasad kreiz, hag he devoa ar gwir votiñ er gêr. E vuhez pad, e sine darn e levrioù gant an droienn "Jean-Jacques Rousseau, Keodedour Geneva". Geneva, d'ar mare-se a oa sañset bezañ un demokratelezh gant ur gouarnamant dilennet gant keodedourien paotred. Ar c'heodedourien a oa iezl o niver e-touez an annezidi kêr keñveriet gant an niver a enbroidi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.