![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/50/Ibn_Battuta_Mall_on_2_June_2007_Pict_3.jpg/640px-Ibn_Battuta_Mall_on_2_June_2007_Pict_3.jpg&w=640&q=50)
Ibn Battuta
From Wikipedia, the free encyclopedia
Abu Abdullah Muhammad Ibn Battuta (أبو عبد الله محمد ابن بطوطة en arabeg) (24 a viz C’hwevrer 1304 - 1377) a oa genidik eus hanternoz Maroko. Ur beajour bras hag un ergerzher eo bet.
![Thumb image](http://upload.wikimedia.org/wikipedia/commons/thumb/5/50/Ibn_Battuta_Mall_on_2_June_2007_Pict_3.jpg/320px-Ibn_Battuta_Mall_on_2_June_2007_Pict_3.jpg)
War c’houlenn Sultan Maroko e kontas Ibn Battuta e veajoù dre ar munud. Al levr savet diwar e gontadennoù zo anavezet dindan an anv Rihla ("Beaj" en arabeg). Taolenniñ a ra en un doare klok ar vuhez e meur a rann eus ar bed er XIVvet kantved. Beajiñ a reas Ibn Battuta dre ar bed muzulman a-bezh, betek ar pezh zo bremañ India, ar Maldivez, Sri Lanka, ha Sina, oc’h ober kalz muioc’h a hent eget ur beajer bras all eus ar mare-hont, Marco Polo.
Kement tra a ouzomp diwar-benn buhez Ibn Battuta a zeu eus ar pezh en deus kontet deomp. Resisoc’h eo eget ar pezh en deus kontet Marco Polo, met burzhudusoc’h ivez aliezik.
Ganet e oa bet Ibn Battuta e Tanjah, en hanternoz Maroko, d’ar 24 a viz C’hwevrer 1304. Keñveriet eo bet gant Marco Polo (1254-1324), rak ur beajer bras eo bet. D’an oad a ugent vloaz ez eas da birc’hirinañ da Vekka ha kenderc’hel a reas goude-se da veajiñ, o foetañ un tamm brav a hent pa soñjer mat : tremen 120 000 km a-hed hag a-dreuz ar broioù muzulman !