![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0a/Gerrit_Thomas_Rietveld.jpg/640px-Gerrit_Thomas_Rietveld.jpg&w=640&q=50)
Gerrit Rietveld
From Wikipedia, the free encyclopedia
Gerrit Thomas Rietveld (24 a viz Even 1888 en Utrecht – 25 a viz Even 1964 en Utrecht) a oa un dizagnour arrebeuri hag un arkitektour izelvroat bet ezel eus De Stijl. Div oberenn savet gantañ a zo brudet : e gador ruz ha glas (1917), ha Ti Rietveld Schröder, hag a zo war roll Glad bedel UNESCO abaoe 2000.
![Thumb image](http://upload.wikimedia.org/wikipedia/commons/thumb/0/0a/Gerrit_Thomas_Rietveld.jpg/320px-Gerrit_Thomas_Rietveld.jpg)
E 1917 ec'h ijinas Rietveld e gador ruz ha glas. E 1918 e savas e embregrezh sevel arrebeuri, ha diwar levezon 'De Stijl' e tivizas cheñch livioù e gador. E 1919 e voe degemeret e De Stijl hag e teuas da vezañ arkitektour. E 1924 e tresas e savadur kentañ, Ti Rietveld Schröder, dre genlabourat gant Truus Schröder-Schräder hag a oa perc'henn an ti. E Prins Hendriklaan, 50 en Utrecht emañ an ti.
E 1928 e pellaas Rietveld diouzh 'De Stijl' hag e tostaas ouzh ul luskad arkitektouriezh all anvet Nieuwe Zakelijkheid pe Nieuwe Bouwen. Er memes bloavezh ec'h emezelas e Kendalc'hioù etrevroadel ar arkitektouriezh vodern. E 1934 ec'h ijinas ar gador "Zig-Zag" hag e stagas gant steuñv Mirdi van Gogh (Amsterdam) hag a voe echuet goude e varv. Kantadoù a diez a dresas, al lodenn vrasañ anezho en Utrecht.
![Thumb image](http://upload.wikimedia.org/wikipedia/commons/thumb/e/e3/Rietveldschroderhuis.jpg/220px-Rietveldschroderhuis.jpg)
![Thumb image](http://upload.wikimedia.org/wikipedia/commons/thumb/1/1e/Metz_%26_Co._Den_Haag_1.jpg/320px-Metz_%26_Co._Den_Haag_1.jpg)