![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5b/Bardsey_Lighthouse.jpg/640px-Bardsey_Lighthouse.jpg&w=640&q=50)
Ynys Enlli
From Wikipedia, the free encyclopedia
Ynys Enlli (Enez Enlli e brezhoneg(Daveoù a vank), Bardsey Island e saozneg) zo un enezenn eus Kembre e penn kornôk ledenez Llŷn. Mynydd Enlli (Menez Enlli) a reer eus lec’h uhelañ an enez.
Anv ofisiel | Bardsey, Ynys Enlli ![]() |
---|---|
Stad | Rouantelezh-Unanet ![]() |
E tiriad | Aberdaron ![]() |
Kontelezh istorel | Sir Gaernarfon ![]() |
War ribl | Mor Iwerzhon ![]() |
Daveennoù douaroniel | 52°45′25″N 4°47′29″W ![]() |
Aveadur | Bardsey Lighthouse ![]() |
Statud gladel | Site of Special Scientific Interest ![]() |
Kod-post | LL53 ![]() |
Lec'hienn ofisiel | http://www.bardsey.org/ ![]() |
Daveennoù an Ordnance Survey | SH122218 ![]() |
![Map](http://maps.wikimedia.org/img/osm-intl,a,52.756955,-4.791464,300x300.png?lang=br&domain=br.wikipedia.org&title=Ynys_Enlli&revid=2040797&groups=_c9ed0c43db3ee8e7601a0f85c53104cca7a3e051)
Savet e voe ur manati war enez Enlli, er VIvet kantved, gant sant Cadfan. Hervez ar vojenn ez eus ugent mil sant a zo douaret eno. E-pad ar Grennamzer e teuas an enez da vezañ ul lec’h pirc’hirinañ brudet. Ken brudet e oa pirc’hirinded Enlli, e-touez Kembreiz, hag ar birc’hirinded da Roma. Un abati Aogustined a gemeras lec’h ar peniti keltiek kentañ. Ne chom nemet dismantroù anezhañ bremañ.
Un tour-tan a voe savet e beg kreisteiz an enez e 1821. Bremañ n’eus mui gward ebet e-barzh ha mont a ra en-dro e-unan.
E-kreiz an XIXvet kantved e oa bet betek 92 den o vevañ war an enez. Hiziv n’eus mui nemet un dek bennak, met e-pad an hañv e teu touristed e-leizh a c’hall chom en tiez bihan kozh a zo bet adkempennet.
Brudet eo an enez dre ma’z eo ur gwarezva evned. Ha dre ma kaver warni ur ouenn avaloù dibar, a anver Afal Enlli (aval Enlli). Krediñ a reer e veze gounezet gwez-avaloù eno gant ar venec’h, abaoe ar XIVvet kantved. Met n’eo nemet e 1998 e voe anavezet ar ouenn avaloù dibar-se ent-ofisiel, pa voe kaset d’an Dastumad Frouezh zo e Brogdale, e kontelezh Kent. Bremañ e vez gwerzhet avaloù Enlli e meur a lec’h dre ar bed.
- Ynys Enlli gwelet eus Mynydd Mawr, e ledenez Llŷn
- An tour-tan war-dro 1885