Dollar ar Stadoù-Unanet (United States dollar, berraet en US dollar) (kod bank USD), a vez graet dollar amerikan (Amerikan dollar) anezhañ alies, zo anezhañ unanenn voneiz Stadoù-Unanet Amerika hag an tiriadoù dalc'het ganto. Gouarnamantoù un nebeud broioù all a ra o moneiz ofisiel ha lezennel gantañ (Ecuador, El Salvador, Panamá, Timor ar Reter) hag un toulladig broioù all a ra gantañ ivez, ent-diofisiel avat. Arouez an dollar US zo $ pe USD pe US$ da lakaat kemm etre anezhañ hag an dollarioù all. Rannet eo e 100 cent (liester cents).
Kod ISO 4217 | USD |
Implijet e | ![]() |
Monc’hwezh | 2.7% (SUA hepken) |
Andon | The World Factbook, 2007 est. |
Liammet gant | 22 currencies
|
Rannadur | |
1/10 | dime |
1/100 | cent |
1/1000 | mill |
Arouez | $ pe US$ |
cent | ¢ pe c |
mill | ₥ |
lesanv | Buck, green, greenback. Hag ivez Washingtons, Jeffersons, Lincolns, Benjamins, ha Hamiltons diwar ar skeudennoù warno,[1] ivez peso e Puerto Rico. |
Pezhioù | |
Implijet alies | 1¢, 5¢, 1 dime, $¼ |
Implijet ral | $½, $1 |
Bilhedoù | |
Implijet alies | $1, $5, $10, $20, $50, $100 |
Implijet ral | $2, |
Bank-kreiz | Federal Reserve Bank |
Lec'hienn | www.federalreserve.gov |
Mouler | Bureau of Engraving and Printing |
Lec'hienn | www.moneyfactory.gov |
Ti ar Moneiz | United States Mint |
Lec'hienn | www.usmint.gov |
Degemeret e voe gant Kendalc'h ar c'hengevred ar Stadoù-Unanet d'ar 6 a viz Gouere 1785,[2]. Ar moneiz muiañ implijet er bed eo e treuzgreadoù etrevroadel[3] Meur a vro a implij an dollar amerikan evel o moneiz ofisiel ha lod all a implij anezhañ evel o moneiz de facto. Ouzhpenn US$ 380 miliard a oa war red (?) e 1995, an div drederenn er-maez eus ar Stadoù-Unanet. Daougementet eo bet ar sifr-mañ dek vloaz war-lerc'h gant tost da $ 760 miliard, eus an hanter d'an daoufarzh anezho o vezañ en estren[4] Se a dalv ur feur kresk keitat a war-dro 7.6%. Koulskoude e oa aet an euro dreist d'an dollar e miz Kerzu 2006 diwar-benn talvoudegezh kenstrollet an arc'hant dizolo war red.[5] Diwar neuze eo savet talvoudegezh a-vremañ an euroioù war red da ouzhpenn € 695 miliard, kevatal da US$ 1 029 miliard diouzh ar feur eskemm a-vremañ.[6].