![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/61/Biface_Silex_Venerque_MHNT_PRE_.2009.0.194.1_Fond.jpg/640px-Biface_Silex_Venerque_MHNT_PRE_.2009.0.194.1_Fond.jpg&w=640&q=50)
Daoudueg
From Wikipedia, the free encyclopedia
Un daoudueg a reer en henoniezh hag en henzenoniezh eus ur benveg maen benet dezverkus eus prantadoù koshañ ar Ragistor.
![Thumb image](http://upload.wikimedia.org/wikipedia/commons/thumb/6/61/Biface_Silex_Venerque_MHNT_PRE_.2009.0.194.1_Fond.jpg/640px-Biface_Silex_Venerque_MHNT_PRE_.2009.0.194.1_Fond.jpg)
![Thumb image](http://upload.wikimedia.org/wikipedia/commons/thumb/5/5b/Agarre_de_un_bifaz.png/640px-Agarre_de_un_bifaz.png)
En Europa en em ziskouezas en Henoadvezh koshañ ar maen, dreist-holl da vare an Akeulean, met bout a oa anezhañ c’hoazh da vare ar Mousterian. Kavet eo bet an daouduegoù koshañ e reter Afrika, war lec’hienn Olduvai e Tanzania peurgetket (1,6 milion a vloavezhioù), met ivez e Kokiselei war ribloù al lenn Turkana e Kenya (1,76 milion a vloavezhioù).
Graet e vez (pe e veze kentoc’h) un daoudueg o patromañ a-damm-da-damm ur pezh maen o tistagañ skolpoù diouzh e daou du. Ur simetriezh daoudu zo d’an daouduegoù enta, ar pezh a c’hellfe diskouez, hervez ragistorourion zo, sorboù a-fet kenedelezh a-berzh an obererion.
Implijet e veze mein liesseurt evit o gober: sileks (maen-tan), kouarzit, kouarz pe karregadoù volkanek (ag an obsidian d'ar fonolit).
Diaes eo c'hoazh resisaat an implij a veze graet anezhe (didroc'hañ, drailhañ, evit al lidoù,...) abalamour d'an diouer a brouennoù.