![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/46/Tizian_-_Danae_receiving_the_Golden_Rain_-_Prado.jpg/640px-Tizian_-_Danae_receiving_the_Golden_Rain_-_Prado.jpg&w=640&q=50)
Danae hag ar glav alaouret
From Wikipedia, the free encyclopedia
Danae hag ar glav alaouret zo un daolenn gant Tizian (e-tro 1490-1576), war-ziskouez e mirdi ar Prado e Madrid.
Danae hag ar glav alaouret | |
![]() | |
Tizian, 1553 | |
Eoullivadur war vezher | |
129 × 180 cm | |
mirdi ar Prado | |
Madrid | |
Spagn |
Poesías eo an anv a roe Tizian d'an daou livadur Venus hag Adonis ha Danae hag ar glav alaouret a oa bet goulennet digantañ gant roue Spagn.
Gwelout a reer Danae o vont da vezañ kemeret gant Zeus, rak an doue eo ar glav aour zo o tont warni, o c'hortoz anezhañ en he gourvez emañ-hi, a-zehou dezhi ur c'hi bihan. Ur vatezh a zastum an takennoù aour en he zavañjer. N'ouzer ket pe er-maez pe e-barzh un ti emañ an dud; stignoù a weler, ha koumoul, glav enno. Levezon al livour Giorgione a zo anat e doare-livañ ar c'horf noazh .
Kustum e oa Tizian da adlivañ ar mojennoù a blije d'ar brenerien.
Un doare all d'al livadur-mañ a zo e mirdi Naplez.