From Wikipedia, the free encyclopedia
Cinn Tìre (e gouezeleg, “penn tir” e brezhoneg), Kintyre (e saozneg), zo ul ledenez e kornôg Skos, e mervent Argyll ha Bute.
En em astenn a ra war-hed un 50 km, eus ar Mull of Kintyre (brudet gant ur ganaouenn gant Paul McCartney) er c'hreisteiz, betek East Loch Tarbert, en hanternoz.
Hir ha strizh eo al ledenez eta, ha n'eus ket muioc'h eget 18 km etre an div aod reter ha kornôk.
Lanneier torgennek eo an douaroù a zo livenn-gein al ledenez. Pinvidik eo douaroù an arvor avat, ha priziet e oant gant an alouberien, Skoted deuet eus Ulaid, pe Vikinged war o lerc'h.
Tre en hanternoz d'al ledenez emañ ar c'horn-bro anvet Knapdale.
Brasañ kêr ar c'horn-bro eo Campbeltown (9 km dre an hent diouzh ar Mull, tamm-pe-damm), a zo bet ur vourc'h-roue abaoe kreiz an 18vet kantved. E-pad pell eo bet dalc'het armerzh an tiriad gant ar pesketa hag al labour-douar, daoust da Gampbeltown bezañ brudet evit fardañ unan eus ar wiskioù gwellañ a zo, ar “Springbank” liestitlet en o zouez.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.