From Wikipedia, the free encyclopedia
Ar Browning Auto-5, anvet ivez Browning Automatic 5 pe Browning A5, zo ur fuzuilh-chase bet produet eus 1902 betek 1998 gant an embregerezh belgiat FN Herstal (Liège). Ar fuzuilh-chase damaotomatek kentañ e voe[1] hag unan eus an armoù anavezetañ e bed ar chase. 2,7 milion a skouerennoù anezhi a voe gwerzhet e-pad an XXvet kantved.[2]
Browning Auto-5
(Remington Model 11) | |
---|---|
Ur fuzuilh Remington Model 11, kopienn ar Browning Auto-5 dindan aotre | |
Kinnig | |
Bro | ![]() ![]() |
Mont en-dro | Fuzuilh flour he c'hanol damaotomatek |
Munisionoù | Kalibr 12, Kalibr 16, Kalibr 20 |
Produer | FN Herstal, Remington |
Mare implij | Abaoe 1905 |
Pouez ha muzulioù | |
Mas (hep kartouchenn) | 4,100 kg |
Hirder | 1.270 mm |
Hirder ar c'hanol | 711 mm |
Perzhioù all | |
Hed-tenn pleustrek | 30-40 m d'ar muiañ (kalibr 12) |
Endalc'h | 1 gartouchenn er gambr + karger korzennek 4 c'hartouchenn (da gentañ) / 2 gartouchenn (adstumm) |
Lezenn | |
Rummad e Bro-C'hall | C (pe B evit ar stummoù 4+1 gartouchenn) |
Ijinet e voe an Auto-5 gant John Browning e 1898. Lakaat a reas ur breved warnañ e 1900.[1] Ar fuzuilh damaotomatek kentañ e oa, enni 5 kartouchenn en he stumm orin. Un dispac'h e oa pa rae ar chaseourien betek neuze gant fuzuilhoù daou ganol daou-denn nemetken, d'ar muiañ. Browning a ginnigas e arm nevez da Winchester, a nac'has anezhañ. Emgav a dapas neuze e 1902 gant Marcellus Hartley, patron an embregerezh Remington, met hemañ a varvas deiz an emgav diwar un taol-kalon. A-benn ar fin ez eas Browning da ginnig e fuzuilh d'an embregerezh FN Herstal, a gomprenas buan e raje berzh hag a asantas produiñ anezhi adalek 1905.
Estreget e bed ar chase e voe implijet an Auto-5 : servijout a reas evel trenchgun (arm fozioù-brezel) etre daouarn ar soudarded amerikan da vare ar Brezel-bed Kentañ, a implije anezhi da aloubiñ an trañcheennoù alaman.
Lesanvet e vez humpback (bosennek) e saozneg. Stummoù all dindan aotre a voe produet gant an embregerezhioù Remington (Model 11) ha Savage (Model 720, Model 745).[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.