Brezelioù ar Relijion (Bro-C'hall)

Brezelioù ar Relijion a reer eus ur mare brezel-diabarzh e Bro-C'hall etre Katoliked ha Protestanted (anvet Hugunoded) etre 1562 ha 1598. Marvet e oa etre daou ha pevar milion a dud a oa bet muntret, marvet gant an naon pe diwar kleñvedoù. Galloud roueel Bro-C'hall a oa bet gwanaet kalz.

Brezelioù ar Relijion e Bro-C'hall

conflict

Rann eus	brezelioù ar relijion en Europa
Lec'h	Rouantelezh Bro-C'hall, Frañs
Deiziad	Ebrel 1598
Deiziad kregiñ	1562
Abeg pennañ	Hugunoded
Efed	Herri IV, Skrid-embann Naoned

Unan eus brudetañ darvoud ar brezelioù-se e oa bet Lazhadeg Sant Berteleme e 1572. Ar stourmadennoù a oa paouezet gant ur skrid-emglev sinet e Naoned e 1598. Herri Navarra, hag a oa troet da gatolik e 1593 ha lakaet da roue evel Herri IV Bro-C'hall, en devoa roet frankiz ha gwirioù d'an Hugunoded. En desped da se e chome kalzik katoliked enebet ouzh ar brotestanted hag ouzh ar roue Herri betek lazhañ anezhañ e 1610, ar pezh a voe abeg da emsavadegoù Hugunoded adarre er bloavezhioù 1620.

Tennderioù a oa etre ar gristenien, abaoe ar bloavezhioù 1530, rannet etre ar gatoliked niverusoc'h, en un tu, hag ar brotestanted, en tu all. Ar gudenn vrasañ evit kurunenn Bro-C'hall a oa gwelet ar vro o vezañ rannet goustadik hervez kredennoù an dud. Marv Herri II Bro-C'hall e miz Gouhere 1559 a oa bet an darvoud a blantas reuz hag a roas lañs d'ar stourm evit ar galloud etre Caterina de' Medici, intañvez ar roue, hag an noblañsoù bras. E-touez an noblañsoù bras e oa meur a du, unan katolik strizhkredennour renet gant an tiegezhioù Guise ha Montmorency. En tu all e oa ar brotestanted renet gant an Tiegezh Condé ha Jeanne d'Albret. Pep tu a oa harpet gant galloudoù estren evel Spagn ha Savoia o sikour ar gatoliked, ha Rouantelezh Bro-Saoz ha Republik an Izelvroioù o harpañ ar brotestanted.