![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ed/Blason_d%25C3%25A9partement_fr_Hautes-Pyr%25C3%25A9n%25C3%25A9es.svg/langbr-640px-Blason_d%25C3%25A9partement_fr_Hautes-Pyr%25C3%25A9n%25C3%25A9es.svg.png&w=640&q=50)
Bigòrra
From Wikipedia, the free encyclopedia
Bigòrra en okitaneg, Bigorre e galleg, zo ur vro vihan en Okitania a oa e Gwaskogn gwechall, ouzh tor ar Pireneoù. Bigordan a vez graet eus un den eus ar vro.
![Thumb image](http://upload.wikimedia.org/wikipedia/commons/thumb/e/ed/Blason_d%C3%A9partement_fr_Hautes-Pyr%C3%A9n%C3%A9es.svg/320px-Blason_d%C3%A9partement_fr_Hautes-Pyr%C3%A9n%C3%A9es.svg.png)
Tarba (Tarbes) e oa ar gêr-benn. E-touez ar c’hêrioù all anavezet er vro emañ Lourd (Lorda en okitaneg, Lourdes e galleg).
Dont a ra anv ar vroig-se eus hini ar bobl a oa o chom enni gwechall, anvet Bigerri pe Bigerriones, unan eus pobloù Gallia Aquitania. Kodianañ a rejont dirak soudarded Publius Licinius Crassus, kaset gant Julius Caesar, e 56 kent JK. Goude bezañ romanekaet e Novempopulania, e voe sujet ar vro gant ar Wizigoted ha gant ar Franked war-lerc'h.
Er Grennamzer he doa bet ar vro, deuet da vezañ ur gontelezh, da zamantiñ eus ar brezelioù etre ar rouantelezhioù gall ha saoz. Staget e voe tro-ha-tro ouzh domanioù amezek, evel tiegezhioù Foish, Bearn pe Comenge.
Da vare an Dispac'h gall e voe krouet un departamant anvet Hautes-Pyrénées (Pireneoù-Uhel), gant Bigorra hag un nebeud traoñiennoù all ouzhpenn. Tarba, kêr-benn Bigorra, a zeuas da vezañ pennlec’h an departamant nevez.
- Broioù Gwaskogn war-dro 1150
- Bigòrra