From Wikipedia, the free encyclopedia
Bernicia (e latin) pe Bernikia eo an anv roet da rouantelezh vrezhon Bryneich, en hanternoz Enez Vreizh, pa voe aloubet gant an Angled, er VIvet kantved. Klotañ a ra gant kontelezhioù Northumberland ha Durham hiriv, etre ar stêrioù Tweed ha Tees.
Padout a reas betek penn kentañ ar VIIvet kantved pan eas d'ober, a-gevret gant rouantelezh amezek Deira, rouantelezh nevez Northumbria
Darn eus Angled Bernikia a c'hallje bezañ bet lakaet da ziwallerien a-hed Moger Hadrian e dibenn an amzervezh roman en Enez Vreizh. Darn al a deuas moarvat dre ar mor eus Deira e penn kentañ ar VIvet kantved.
Kentañ roue an Angled a anavezomp eo Ida, a deuas da vezañ roue Bernikia war-dro 547. E vibien a vrezelias pell a-enep ar rouaned vrezhon diwar-dro keit ma chomjont unanet. Pa savas brezel etre ar Vrezhoned e voe aesoc'h trec'h an Angled.
Mab-bihan, Æthelfrith Northumbria, an hini a unanas Deira gant e rouantelezh dre nerzh war-dro ar bloaz 604. Ren a reas en div rouantelezh (unanet en un Northumbria) ken e voe faezhet ha lazhet gant Raedwald of East Anglia ( hag en devoa roet bod da Edwin, mab da Ælle, roue Deira) war-dro 616. Edwin an hini a voe lakaet da roue neuze.
Da gentañ e stourmas Edwin ouzh repuidi Bryneich aet da chom da rouantelezh Gododdin. Goude e aloubas rouantelezh Elmet, ur rouantelezh vrezhon er vro a zo bremañ West Riding of Yorkshire, e-kichen Leeds, pezh a reas dezhañ ober brezel da Gembre ivez.
War-lerc'h emgann Hatfield Chase d'an 12 a viz Here 633, pa voe faezhet ha lazhet Edwin gant Cadwallon ap Cadfan eus rouantelezh Gwynedd ha Penda Mercia, e voe rannet Northumbria adarre etre Bernicia ha Deira.
Eanfrith, mab Aethelfrith, an hini a renas e-pad bloaz, ha neuze ez eas da-gaout Cadwallon evit klask ober peoc'h halazhet e voe. Breur Eanfrith, Oswald, a savas un arme neuze hag a drec'has war Cadwallon en emgann Heavenfield e 634. Goude an trec'h-se e hañval Oswald bezañ bet anavezet gant tud Bernicia koulz ha re Deira evel roue ur vro unanet anvet Northumbria.
Dindan Deira 616 - 633
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.