![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/23/Bevolkingspiramide_-_Gemeente_Bergen_%2528NH.%2529_%25282007%2529.png/640px-Bevolkingspiramide_-_Gemeente_Bergen_%2528NH.%2529_%25282007%2529.png&w=640&q=50)
Bergen (Noord-Holland)
From Wikipedia, the free encyclopedia
Bergen (distagañ : )a zo ur gumun hag ur gêr e proviñs Noord-Holland en Izelvroioù. 119,83 km² eo gorread Bergen (douar : 97,05 km² , dour : 22,78 km² ). D'an 31 a viz Mae 2009 e oa 31 155 annezad enni. Stank e teu an douristed da vBergen, peogwir ez eus kalz traezhennoù (aod Mor an Hanternoz). E 2001 e voe kresket Bergen, pa voe ouzhpennet kumun Egmond ha hini Schoorl. Ar c'hêrioù, kêriadennoù ha distrigoù da-heul a ya d'ober kumun Bergen : Bergen, Aagtdorp, Bergen aan Zee, Bregtdorp, Camperduin, Catrijp, Egmond aan den Hoef, Egmond aan Zee, Egmond-Binnen, Groet, Hargen, Rinnegom, Schoorl, ul lodenn eus Schoorldam ha Wimmenum.
![Thumb image](http://upload.wikimedia.org/wikipedia/commons/thumb/3/38/Egmond_aan_Zee_-_Church_B.jpg/640px-Egmond_aan_Zee_-_Church_B.jpg)
![Thumb image](http://upload.wikimedia.org/wikipedia/commons/thumb/d/d9/Dutch_Municipality_Bergen_%28North_Holland%29_2006.png/200px-Dutch_Municipality_Bergen_%28North_Holland%29_2006.png)
![Thumb image](http://upload.wikimedia.org/wikipedia/commons/thumb/6/66/Coat_of_arms_of_Bergen_%28North_Holland%29.svg/320px-Coat_of_arms_of_Bergen_%28North_Holland%29.svg.png)
![Thumb image](http://upload.wikimedia.org/wikipedia/commons/thumb/2/23/Bevolkingspiramide_-_Gemeente_Bergen_%28NH.%29_%282007%29.png/320px-Bevolkingspiramide_-_Gemeente_Bergen_%28NH.%29_%282007%29.png)
Abaoe war-dro 1900 e teu stank an arzourien (skrivagnerien, arkitektourien, livourien) da vBergen. Skol Bergen a zo ul luskad arzoù, hag oberennoù a c'haller gwelout e mirdi Kranenburgh. Karter Park Meerwijk, savet e 1915, a zo ennañ kenkizoù savet e doare skol Amsterdam. Ouzhpenn festivalioù arzoù (Kunsttiendaagse e miz Here) e vez aozet ur festival sonerezh bep bloaz e miz Eost e Bergen. War-du norzh Bergen emañ Schoorlse Duinen. Ul lec'h naturel eo ma kaver tevinier uhelañ ha ledanañ an Izelvroioù : betek 59m uhelder ha betek 5km ledander e lec'hioù zo. Un akwariom a zo ivez e Bergen aan Zee, ur mirdi gouestlet d'ar c'hirri kozh e Bergen ha daou virdi istor : Het Sterkenhuis (e Bergen) ha mirdi van Egmond (en Egmond aan Zee).