Baktria
From Wikipedia, the free encyclopedia
From Wikipedia, the free encyclopedia
Baktria (eus Βακτριανὴ / Baktrianê e gregach) a oa ur rannvro etre Afghanistan, Ouzbekistan ha Tadjikistan a hiriv, etre menezioù an Hindū-Kūsh hag ar stêr Amou-Daria.
Gwechall e oa bevennet gant India er c'hreisteiz, Sogdiana en hanternoz, Skitia extra Imaum er reter, ha Hirkania er c'hornôg. Enni e oa Margiana, Guriana, Bubakena, bro an Doc'hared hag ar Marukeaned.
Un amzer zo bet ma oa Baktria e-kreiz un Impalaeriezh c'halloudus ha tizhet ganti ul live uhel a sevenadur. Baktres e oa ar gêrbenn (Balkh hiriv).
Gwelet eo gant darn evel bro ar Veded, kavell impalaeriezh ar Bersed ha relijion Zoroastr. Gant Cyrus er VIvet kantved eo e voe staget ouzh impalaeriezh ar Bersed. Stag e oa ouzh Margiana ha honnezh e oa daouzekvet satrapiezh ar bersed eta.
Ar satrap Bessus, an hini a vuntras ar roue Darius III evit bout dizalc'h en e satrapiezh. Met aloubet e voe ar vro gant Alesant Veur, er IVre kantved kent JK. Gantañ e voe tapet Roxana, merc'h da satrap ar vro, a oa o stourm outañ. Dimeziñ dezhi a reas evit lakaat an tad a-du gantañ.
Furchadegoù e-leizh zo bet aozet en hanternoz Baktria (traonienn ar Surkhan-Daria) gant Gallaoued hag Ouzbeked, pe Japaniz hag Ouzbeked, dreist-holl war-dro keoded kozh Termez.
Bout ec'h eus ur ouenn kañvaled anvet kañval Baktria, pe Camelus bactrianus.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
