Atreüs a oa roue Mykenai pe Argos. Mab e oa da b-Pelops ha da Hippodameia. Brudet e oa abalamour d’ar gasoni a vage ouzh e vreur Thyestes. Tad e oa da Agamemnon ha da v-Menelaos, ar re gentañ eus lignez an Atrided.
E anv
E gregach e oa Ατρεύς / Atreús e anv, da lavarout eo « dizaon ».
Mojenn
Rouaned Mykenai
Atreüs en devoa ur breur gevell Thyestes, hag o-daou e voent harluet gant o zad peogwir o devoa lazhet o lezvreur C'hrysippos evit bezañ rouaned e kêr Olympia.
Repu a gavjont e kêr Mykenai, ha kemer a rejont lec'h ar roue Eurystheüs pa oa aet da vrezeliañ a-enep an Herakleided. Sklaer e oa ne badje ket pell o ren, nemet mervel a eure ar roue er brezel.
Oan alaouret
Atreüs a ouestlas aberzhiñ e oan gwellañ da Artemis. P'edo o klask e dropellad e kavas un oan alaouret a roas d'e wreg Aerope, d'e guzhat ouzh an doueez. Ha hi d'e brofañ d'he dousig, Thyestes. Hennezh neuze en em glevas gant e vreur evit ma vije roue an hini a oa perc'henn d'an oan burzhudus. Ha Thyeste da ziskouez an oan, ha da c'houlenn ar gador a roue.
Atreüs avat a zeuas a-benn da vezañ roue oc'h ober diouzh kuzulioù an doue Hermes : Thyestes a ouestlas reiñ ar rouantelezh d'e vreur pa'z afe an heol war e giz en oabl. Graet e voe an taol gant Zeus e-unan. Hag Atreüs war gador ar rouaned, ha Thyestes en harlu.
Dial
Neuze eo e klevas Atreüs anv eus avoultriezh Thyestes hag Aerope, ha mennout a eure kas an dorzh d'ar gêr. Lazhañ a eure mibien Thyestes, hag o foazhañ, nemet mirout a reas o daoudroadoù hag o daouarnioù. Servij a eure ar c'hig anezho d'e vreur, ha diskouez dezhañ o izili.
Diougan
Un diouganer a ziskulias da d-Thyestes e vije lazhet Atreüs m'en dije ur mab digant e verc'h Pelopeia. Kement-se a voe graet, ha lazhet e voe Atreüs Thyestes gant e vab Aigisthos.
Koulskoude, pa voe ganet Aigisthos, e voe dilezet gant e vamm, mezhekaet abalamour d'he zorfed. Kavet e voe ar c'hrouadur gant ur mesaer, roet gantañ da Atreüs, en desavas evel e vab. Erru Aigisthos en oad-gour e voe lavaret dezhañ gant Thyestes e oa tad ha tad-kozh dezhañ war un dro. Hag ar paotr da vont da lazhañ Atreüs.
Hervez skridoù zo e oa Atreüs tad da b-Pleisthenes. Peurvuiañ e vezont kontet da vezañ breudeur.
An Atreided
Graet e vez gant ar ger Atreided (pe Atrided) da envel mibien Atreüs, Agamemnon ha Menelaos —, hag a-wechoù ivez bugale ar re-se, pe o bugale-vihan.
Oberennoù
- Prosper Jolyot de Crébillon en deus skrivet Atrée et Thyeste, un drajedienn e pemp arvest c'hoariet e Pariz e 1707 evit ar wech kentañ.
- E romant Frank Herbert Dune eo kontet istor Leto, Paul, ha Leto II eus Tiegezh an Atreided, enebourien ar c'hlan Harkonnen. Lavarout a reont diskenn eus Atreided brezel Troia.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
