Aristoteles
From Wikipedia, the free encyclopedia
Ur prederour gresian eo Aristoteles (henc'hresianeg : Ἀριστοτέλης Aristotélēs). Ganet e oa bet e Stavros, Makedonia e 384 kent JK ha marvet e oa e C'halkis, en Eubea, e 322 kent JK.
Fedoù berr-ha-berr Reizh pe jener, Anv e yezh-vamm an den ...
Aristoteles
Reizh pe jener | paotr |
---|---|
Anv e yezh-vamm an den | Ἀριστοτέλης |
Anv-bihan | Aristotelis |
Anv-familh | talvoud ebet |
Deiziad ganedigezh | 384 BCE |
Lec'h ganedigezh | Stageira |
Deiziad ar marv | 322 BCE |
Lec'h ar marv | Chalcis |
Doare mervel | abeg naturel |
Abeg ar marv | intestinal disease |
Lec'h douaridigezh | Stageira |
Tad | Nicomachus |
Breur pe c'hoar | Arimneste, Arimnestus |
Pried | Pythias |
Kompagnun(ez) | Herpyllis |
Bugel | Nicomachus, Pythias |
Yezhoù komzet pe skrivet | henc'hresianeg |
Yezh implijet dre skrid | Attic Greek |
Micher | prederour |
Tachenn labour | prederouriezh, natural philosophy |
Bet war ar studi e | Akademiezh |
Bet studier da | Platon |
Lec'h annez | Aten, Aten |
Strollad etnek | Greeks |
Kleñved | gagerezh |
Handedness | Kleizard |
Luskad | peripatetic school |
Sevenadur | Henc'hres |
Perc'henn war | Aristotle's library, Lise (skol) |
Attested in | Mare Magnum volume 82 |
Statud e wirioù aozer | Ar gwirioù aozer ne dalvezont ket ken |
Tikedenn Stack Exchange | https://philosophy.stackexchange.com/tags/aristotle |
Serriñ
Ul levezon vras en deus bet war prederourien ar Grennamzer (Sant Tomaz da skouer) met war re an XXvet kantved ivez (H.-G. Gadamer pe Hannah Arendt).
- Unan eus an diforc'hioù bras etre e breder ha hini Platon eo ne zifennas ket kement ar renad brientinel peogwir ne oa ket eus ar renkad-se. E dad a oa mezeg (mezeg ar roue Fulup Makedonia zoken) ha d'ar c'houlz-se ne oa ket digor kelennadurezh ar vezegiezh d'an holl: treuzkaset e veze er familhoù, ez-yaouank. Ur roud a chomo eus se e prederouriezh Aristoteles a vo diazezet war ar fedoù ha n'eo ket war mennozhioù difetis evel Platon.
- Studier da Blaton eo bet en Akademi e-pad 20 vloaz. Dizemglev a vo etrezo avat rak "n'eo ket ken pouezus ar vignoniezh hag ar wirionez". Dre se ez eus ul liamm kemplezh etrezo: un dle en deus ouzh prederouriezh Platon met c'hoant en doa da vezañ disheñvel dioutañ war an dro ivez.
- En Aten eo bet o chom, pa oa tost da Blaton ha da c'houde p'en deus krouet al Lise. Koulskoude eo bet estren da vrientinelezh Aten a-viskoazh.
- E 3 frantad e c'heller rannañ e oberoù :
- An divizioù: pa oa studier gant Platon e skign mennozhioù e vestr ("Ar sofistour", "An deskadurezh")
- An oberoù displegañ: pa oa aet digant Platon evit bezañ kelenner Aleksandr ("Buhezouriezh da Nicomaque")
- Ar pennoberoù: p'en doa savet al Lise (Bonreizh Aten, Ar politikerezh).
E-keñver Platon e c'heller gwelet 2 ziforc'h bras :
- Ne zielfenn ket ar vuhez politikel er memes mod
- Ne ro ket ar memes termenadurezh eus ar renad politikel mat.