![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/08/Albert_Camus%252C_gagnant_de_prix_Nobel%252C_portrait_en_buste%252C_pos%25C3%25A9_au_bureau%252C_faisant_face_%25C3%25A0_gauche%252C_cigarette_de_tabagisme.jpg/640px-Albert_Camus%252C_gagnant_de_prix_Nobel%252C_portrait_en_buste%252C_pos%25C3%25A9_au_bureau%252C_faisant_face_%25C3%25A0_gauche%252C_cigarette_de_tabagisme.jpg&w=640&q=50)
Albert Camus
skrivagner gallek / From Wikipedia, the free encyclopedia
Albert Camus, bet ganet d'ar 7 a viz Du 1913 ha marvet d'ar 4 a viz Genver 1960, oa ur skrivagner, prederour, kazetenner gall ganet e Aljeria. Reseviñ a reas priz Nobel al lennegezh. Lakaet e vez alies kenañ Albert Camus e rummad prederourien ar bezout/existentialiste, met nac'hañ a rae bezañ lakaet er strollad-se. Skrivañ a reas oberennoù brudet evel L'Homme révolté, Le mythe de Sisyphe, ha stourm a-enep d'ur brederouriezh kaset gant an netraouriezh. Diskouezañ a reas en ur mod sklaer levezon Friedrich Nietzsche war e breder. Ha war tachenn ar feiz e skrivas en e notennoù "Ne gredan ket e Doue met n'on ket stag ouzh preder an dizouegezh".
![Thumb image](http://upload.wikimedia.org/wikipedia/commons/thumb/0/08/Albert_Camus%2C_gagnant_de_prix_Nobel%2C_portrait_en_buste%2C_pos%C3%A9_au_bureau%2C_faisant_face_%C3%A0_gauche%2C_cigarette_de_tabagisme.jpg/640px-Albert_Camus%2C_gagnant_de_prix_Nobel%2C_portrait_en_buste%2C_pos%C3%A9_au_bureau%2C_faisant_face_%C3%A0_gauche%2C_cigarette_de_tabagisme.jpg)
Camus oa eil yaouankañ den o reseviñ priz Nobel al lennegezh (goude Rudyard Kipling). Ha dont a reas da vezañ kentañ den ganet en Afrika o reseviñ ar priz. Er memes koulz eo an den marvet ar yaouankañ e touez reseverien ar priz (marvet 3 bloaz goude-se).
Gwelloc'h e kave Camus bezañ anavezet evel den ha prederour eget evel ezel eus ur skol filozofel pe un ideologiezh. Muioc'h e kare an dud eget ar mennozhioù.