Wikipidia:Vandalisme
From Wikipedia, the free encyclopedia
Vandalisme adalah panambahan, panghapusan, atawa pangubahan isi nang lawan singhaja digawi gasan mangurangi kualitas insiklupidia. Janis vandalisme nang paling umum adalah mangganti tulisan nang ada lawan hal-hal nang maulah muar, mangosongakan tungkaran, manambahakan iklan, atawa manyisipakan lulucuan nang lucu wan hal-hal kada baguna nang lain.
![]() | Tungkaran naiya marupakan kabijakan rasmi di Wikipidia bahasa Banjar. Isinya sudah ditarima luas ulih bubuhan pamakai wan dianggap sabagai standar nang harus diumpati ulih samua pamakai.
Sabalum manyunting tungkaran naiya, pasti'i suntingan Pian manggambarakan kunsinsus. Pakai tungkaran pamandiran gasan mausulakan paubahan. |
|
Sabarataan usaha lawan niat baik gasan mangambangakan insiklupidia, walaupun salah arah, lain vandalisme. Pangubahan lawan niat buruk nang kada kantara kada dianggap vandalisme di Wikipidia. Contohnya, maisi artikal lawan hal-hal nang sipatnya opini wara lain vandalisme. Tatapi kaya apa haja hal ngini tatap dianggap kada baguna, wan tatap harus dihapus.
Manggawi vandalisme adalah palanggaran kabijakan Wikipidia. Tindakan ngini harus diawasi wan ditangani - amun Pian kada kawa mananganinya saurangan, Pian kawa maminta patulung matan urang lain.
Sabuting studi nang digawi IBM pada tahun 2002 manunjukakan bahwa sahagian ganal vandalisme pada Wikipidia Inggris dibulikakan dalam waktu lima manit (itihi laporan rasminya). Walaupun kaya itu, vandalisme tataplah marupakan masalah gasan sabarataan pamakai, wan marupakan ide nang baik sawaktu ma-ubah artikal gasan mancek riwayat tadahulunya gasan ma-itih apakah sudah tajadi vandalisme tanpa dikatahui - bahkan amun pangubahan parampihan hanyar haja tajadi lima manit sabalumnya.
Kada sabarataan vandalisme digawi lawan kasar. Sabaliknya kada sabarataan pa-ubahan ganal wan kontroversial marupakan vandalisme. Diparluakan katalitian gasan manantuakan apakah sabuting data atawa informasi hanyar ngintu bujur atawa marupakan vandalisme.