Piza
From Wikipedia, the free encyclopedia
Piza adalah makanan gurih matan Italia nang kaya ruti bulat wan lépéh, nang diubar di tungku wan rancaknya dimumuri saus tumat wan kiju lawan bahan makanan tambahan lainnya nang kawa dipilih. Kiju nang dipakai biasanya mojarela atawa "kiju piza".
Janis bahan lain kawa jua diandak di atas piza, biasanya daging wan saus, kaya salami wan pepperoni, ham, bacun, buah kaya kanas wan jaitun, sayuran kaya lombok, paprika, wan jua bawang bombay, kulat, wan lain-lain.
Rutinya biasa diulah kaya ruti biasa tagal kawa dibari rasa tambahan lawan mentega, bawang putih, tanaman ubat, atawa wijen. Piza biasanya dimakan pas masih panas (biasanya gasan makan siang atawa malam), tagal ada jua nang dihiwangakan pas dingin, biasanya dimakan gasan sarapan atawa pas bajalanan.
Piza biasanya dimakan di risturan, ditukar di pusat paulanjaan atawa pancarekenan, wan kawa jua ditampah liwat talipun atawa liwat intirnit gasan diantar, panas wan siap gasan dimakan di rumah.
Kata "piza" diambil matan bahasa Italia pizza (Alfabet Fonetik Internasional / International Phonetic Alphabet, IPA: [ˈpiːtsə]), biasanya ba'arti "pai, kue, tart". Banyak nang salah mangira kalu piza asalnya matan kata Italia nang berarti phai (pie).