Bonél

Bonél adalah hiasan gasan dipasang di talinga. Bahannya kawa matan lugam, palastik, kaca, batu mulia, manik-manik, wan macam-macam lagi. Ada babarapa macam bonél, antara lain:

• Anting-anting adalah bonél nang digantung'akan di cuping talinga.
• Subang adalah bonél nang bantuknya bulat wan pipih.
• Giwang adalah subang nang ukurannya labih halus.
• Karabu adalah subang tipis nang tabuat matan amas.

Bonél macam anting-anting

Bahari, di banyak dairah di dunia bonél dipakai lalakian wan bibinian. Tagal wahini kita sudah mamakai nurma nang datangnya matan Barat, di mana nang mamakai bonél ngitu bibinian haja. Wahini banyak jua pang lalakian nang mamakai bonél, tagal biasanya lalakian nang memakai bonél itu dianggap urang nang macal.