गोरखपुर गोरखपुर भारत के उत्तर प्रदेश राज्य में, पूर्वांचल क्षेत्र में राप्ती नदी के तीरे बसल एगो शहर बाटै। ई राज्य के राजधानी लखनऊ से 272 किलोमीटर पूरब में स्थित बा। ई गोरखपुर जिला, पूर्वोत्तर रेलवे मंडल आ गोरखपुर मंडल के प्रशासनिक मुख्यालय हवे। शहर में गोरखनाथ मठ, गोरखनाथ बाबा के मंदिर बा। 1963 से शहर में भारतीय एयरफोर्स स्टेशनो बाटै। हिंदू धार्मिक ग्रंथन के दुनिया के सबसे बड़ प्रकाशक गीता प्रेस भी गोरखपुर में बा जवना के स्थापना 1926 में इहाँ भइल रहे आ ई गीता, रामायण आ महाभारत जइसन नियर ग्रंथन के प्रकाशन करे ला आ पत्रिका कल्याण छापे ला।