![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/ca/Supermoon_comparison.jpg/640px-Supermoon_comparison.jpg&w=640&q=50)
सुपरमून
From Wikipedia, the free encyclopedia
सुपरमून (अंग्रेजी: Supermoon) (शाब्दिक अरथ: बिसाल चंद्रमा, बड़का चंद्रमा) एक ठो खगोलीय घटना हवे जेह में चंद्रमा के पृथिवी से सभसे नजदीकी स्थिति आ पुर्नवासी दुन्नों एकही साथ पड़े ला आ एही से चंद्रमा आम पुर्नवासी के दिन सभ के तुलना में बड़ा आकार के आ ढेर चमकदार लउके ला।[1] एकर तकनीकी नाँव पृथ्वी-चंद्र सिस्टम के पेरीजी-सिजिगी हवे। "सुपरमून" शब्द कौनों खगोलशास्त्रीय शब्द ना हवे बलुक ई आधुनिक ज्योतिष के दिहल शब्द हवे[2] चंद्रमा के खिंचाव से पृथ्वी के समुंदरी हिस्सा के साथ-साथ चट्टानी हिस्सा में भी ज्वार आवे के बिचार एह तरह के सुबहा के कारण भी बने लें कि सुपरमून के घटना के समय भूकंप के घटना में बढ़ती होले, हालाँकि, अइसन बात के कौनों मजबूत प्रमाण अभिन ले नइखे मिलल।[3]
![Thumb image](http://upload.wikimedia.org/wikipedia/commons/thumb/c/ca/Supermoon_comparison.jpg/320px-Supermoon_comparison.jpg)
![Thumb image](http://upload.wikimedia.org/wikipedia/commons/thumb/3/3e/Supermoon.jpg/640px-Supermoon.jpg)
एकरे उल्टा जवन स्थिति होले, मने कि एपोजी-सिजिगी, ओकरा के माइक्रोमून (लघु चंद्र) कहल जाला[4] हालाँकि ई शब्द बहुत प्रचलन में नइखे।
कबो-कबो सुपरमून आ चंद्रग्रहण के स्थति भी एकही साथ हो जाला। एहू में कब्बो-कबो त पूरा चंद्रग्रहण के भी। साल 2015 के सितंबर में 27-28 तारीख के लागल चनरगरहन अइसने रहल, अगिला अइसन स्थिति साल 2033 में फिर होखी।[5] सभसे हाल में सुपरमून के स्थिति 13-14 नवंबर, 2016 के रात के बनल रहल।