![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/61/Rubiks_cube_solved.jpg/640px-Rubiks_cube_solved.jpg&w=640&q=50)
रूबिक्स क्यूब
From Wikipedia, the free encyclopedia
रूबिक्स क्यूब (Rubik's Cube) चाहे मैजिक क्यूब एक किसिम के 3D खेलौना हवे जेह में 3x3 पीस वाला एगो क्यूब (घन) के ओकरे छहों साइड के अलग-अलग रंग अनुसार सेट करे के होला। ई एक तरह के दिमागी कसरत वाला गेम हवे। एकर आबिस्कार हंगरी देस के आर्किटेक्ट एर्नो रूबिक द्वारा 1974 में कइल गइल। रूबिक एकरा के बेचे के अधिकार 1980 में आइडल टॉय कार्प नाँव के कंपनी के दिहलें आ एही साल ई जर्मनी के सभसे टॉप के पजल गेम के अवार्ड जितलस। एगो आँकड़ा अनुसार साल 2009 तक ले एकर 350 मिलियन (3500 लाख) पीस बिका चुकल रहे।
![]() | |
Other names | मैजिक क्यूब, स्पीड क्यूब, पजल क्यूब |
---|---|
Type | कंबीनेशन पजल |
Inventor(s) | एर्नो रूबिक |
Company | Rubik's Brand Ltd |
Country | हंगरी |
Availability | 1977: हंगरी में मैजिक क्यूब के नाँव से, बुडापेस्ट में पहिला टेस्ट संस्करण रिलीज भइल 1980: रूबिक्स क्यूब के नाँव से, दुनियाभर में–अबतक ले |
ऑफिशियल वेबसाइट |
रूबिक के बनावल क्यूब 3x3 के रहल। बाद में एकर अउरी वर्शन भी बनलें जेह में 4x4 (रूबिक्स रिवेंज) आ 5x5 (प्रोफेसर्स क्यूब) शामिल बाड़ें। अबतक एकरे अलावा अउरी कई कंबीनेशन वाला क्यूब बनावल जा चुकल बाड़ें।
पहिले के समय में एकरा के सफलता से ठीक-ठीक बना ले जाए के उपलब्धी बूझल जाय। बाद में एकरा के कम से कम समय में, चाहे सभसे कम चाल (घुमाव) में सोझुरा लेवे के प्रतियोगिता होखे लागल। एकरा के सोझुरा के बना लेवे के साल्व कइल कहल जाला आ अबले कई किसिम के एल्गोरिथम खोजल जा चुकल बाड़े जिनहन के अनुसार एकरा के साल्व कइल जा सकत बाटे।