महावीर के जनम के मानावे वाला तिहुआर, जैन धर्म में From Wikipedia, the free encyclopedia
महावीर जयंती, भा महावीर जन्म कल्याणक जैन धर्म के माने वाला लोग के एगो तिहुआर हवे जे भगवान महावीर के जनम के उपलक्ष में मनावल जाला। ई तिहुआर चइत महीना के अँजोर पाख के तेरस तिथी के मनावल जाला आ आमतौर प अंग्रेजी कैलेंडर के हिसाब से मार्च भा अप्रैल के महीना में पड़े ला।[1] महावीर, जैन धर्मं के 24वाँ आ अंतिम तीर्थंकर[नोट 1] रहलें।
परंपरा अनुसार महावीर के जनम वज्जि गणराज्य के वैशाली के लगे कुंडग्राम में मानल जाला।[2] ज्यादातर इतिहासकार लोग वसुकुंड के रूप में एकर पहिचान करे ला।[3] जैन ग्रंथ सभ के मोताबिक इनके जनम चैत्र मास शुक्लपक्ष के त्रयोदशी (चइत सुदी तेरस) के भइल आ साल 599 ईसा पूर्व रहल।[4][5]
महावीर के नाँव वर्धमान रखल गइल रहे, अरथ "बढ़े वाला", काहें कि इनके जनम के समय राज्य में धन-संपति के बढंती होखत रहे।[6] वासोकुंड में, गाँव-गिराँव के लोग महावीर के बहुत माने ला; एगो परिवार के जमीन "अहल्या भूमि" (जेपर हर न चलावे के होखे) के रूप में लगभग चार सौ बरिस से बिना जोतले रखल गइल बा जे महावीर के जनमभूईं मानल जाले।[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.