Янтра

Янтра (балг.: Янтра, лац.: Iatus) — рака на поўначы Балгарыі, правы прыток Дуная. Даўжыня — 285 км, плошча вадазбору — 7862 км². Бярэ пачатак на паўночным схіле гор Стара-Планіна на вышыні 1 220 метраў над узроўнем мора. Да горада Габрава цячэ ў глыбокай даліне, парослай букавым лесам, паміж Габрава і сялом Янтра — перасякае плато Стражата ў глыбокай цясніне, за сялом Янтра — выходзіць на Ніжнедунайскую раўніну, пятляе. Жыўленне ракі змешанае: снегавое, дажджавое і ад карставых падземных вод.

Янтра
балг. Янтра
Рака Янтра ў Габрава
Характарыстыка
Даўжыня	285 км
Басейн	7 862 км²
Расход вады	36,8 м³/с
Вадацёк
Выток	Балканскія горы
• Вышыня	1220 м
• Каардынаты	42°44′20″ пн. ш. 25°25′07″ у. д.HGЯO
Вусце	Дунай
• Вышыня	18 м
• Каардынаты	43°38′27″ пн. ш. 25°34′12″ у. д.HGЯO
Размяшчэнне
Водная сістэма	Дунай → Чорнае мора
Краіна	Балгарыя
— выток, — вусце
Медыяфайлы на Вікісховішчы

Басейн Янтры

Янтра мае 30 прытокаў даўжынёй больш 10 км. Буйнейшыя з іх:

• Росіца, даўжыня — 164 км, плошча басейна 2265 км²;
• Стара рака (Лефеджа), даўжыня — 92 км, плошча басейна 2424 км²;
• Джулюніца, даўжыня — 85 км, плошча басейна 892 км².

На Янтры стаяць гарады Габрава, Вяліка-Тырнава, Горна-Арахавіца, Полскі-Трымбеш і Бяла.

Літаратура

• Географски речник на България. — Н. Мичев, Ц. Михайлов, И. Вапцаров и Св. Кираджиев. — София: Наука и изкузство, 1980 г., стр. 559-560 (балг.)
• Я́нтра // Большой словарь географических названий (руск.) / Гл. ред. В. М. Котляков. — Екатеринбург: У-Фактория, 2003. — С. 779. — 832 с. — 10 000 экз. — ISBN 5-94799-148-9.