Якуцкая Аўтаномная Савецкая Сацыялістычная Рэспубліка
From Wikipedia, the free encyclopedia
Якуцкая Аўтаномная Савецкая Сацыялістычная Рэспубліка (Якуцкая АССР, ЯАССР, руск.: Якутская Автономная Советская Социалистическая Республика, якуцк.: Саха автономнай сэбиэскэй социалистическэй республиката, Саха АССР) — аўтаномная рэспубліка ў складзе РСФСР. Існавала ў 1922—1992 гадах. Сталіца — горад Якуцк.
Была размешчана ў басейне рэк Лены, Анабара, Алянёка, Яны, Індыгіркі і ў нізоўях Калымы, на поўначы — узбярэжжа мора Лапцевых і Усходне-Сібірскага мора і Новасібірскія астравы. Больш за 40 % тэрыторыі гэтай аўтаномнай рэспублікі знаходзілася за Палярным кругам.