Цеплаход
From Wikipedia, the free encyclopedia
From Wikipedia, the free encyclopedia
Цеплаход — самаходнае судна, асноўным рухавіком якога з’яўляецца рухавік унутранага згарання, часцей за ўсё — дызельны.
Рухавік цеплахода можа быць малаабаротным (у такім выпадку ён працуе непасрэдна на грабны вал) альбо высокаабаротным. Высокаабаротны рухавік злучаецца з грабным валам пры дапамозе перадачы. Найбольш распаўсюджаныя тыпы перадач — механічная (рэдуктар) і электрычная. У выпадку электрычнай перадачы, дызель круціць генератар пастаяннага току або генератар пераменнага току, электрычнасцю якога сілкуюцца рухавікі, якія прыводзяць у рух грабны вал. Электрычная перадача дазваляе плаўна рэгуляваць хуткасць кручэння грабнога вінта. Цеплаходы з электраперадачай нярэдка вылучаюць у асобны клас судоў, дызель-электраходы.
Пуск суднавых дызеляў робіцца пры дапамозе сціснутага паветра. Цяпло выхлапных газаў выкарыстоўваюць для выпрацоўкі пары, якая ў сваю чаргу выкарыстоўваецца для ацяплення, абагрэву вады, выпрацоўкі электрычнасці і іншых суднавых патрэб.
Сустракаецца на цеплаходах таксама і гідраўлічная перадача.
У цяперашні час самы магутны суднавы дызель — рухавік RTA96-C, які выпускае фінская фірма Вяртсіля (Wärtsilä). Гэты 14-цыліндравы рухавік развівае магутнасць у 108 920 к.с.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.