Фёдар Рыгоравіч Волкаў

У Вікіпедыі ёсць артыкулы пра іншых асоб з прозвішчам Волкаў.

Фёдар Рыгоравіч Волкаў (руск.: Фёдор Григо́рьевич Во́лков; 1729—1763) — рускі акцёр і тэатральны дзеяч, масон. Стварыў першы пастаянны рускі тэатр, і таму лічыцца яго заснавальнікам.

Фёдар Рыгоравіч Волкаў
Партрэт працы А. П. Ласенка, 1763 год.
Дата нараджэння	9 (20) лютага 1729(1729-02-20)
Месца нараджэння	Кастрама, Расійская імперыя
Дата смерці	4 (15) красавіка 1763(1763-04-15) (34 гады)
Месца смерці	Масква, Расійская імперыя
Грамадзянства	Расійская імперыя
Адукацыя	Славяна-грэка-лацінская акадэмія[d]
Прафесія	акцёр , тэатральны рэжысёр , драматург , паэт , музыкант, мастак
Гады актыўнасці	1750—1763
Тэатр	Рускі для прадстаўлення трагедый і камедый тэатр
Медыяфайлы на Вікісховішчы

Біяграфія

30 жніўня 1756 г. быў афіцыйна заснаваны «Рускі для прадстаўлення трагедый і камедый тэатр», які паклаў пачатак стварэнню Імператарскіх тэатраў Расіі, а Фёдар Волкаў быў прызначаны «першым рускім акцёрам», а дырэктарам тэатра стаў Аляксандр Сумарокаў, у 1761 годзе гэты пост заняў Волкаў. Але дзеля ўлюбёнай справы Фёдар Рыгоравіч адмовіўся ад пасады кабінет-міністра, ордэна Святога Андрэя Першазванага, маёнткаў і прыгонных.

Фёдар Волкаў напісаў каля 15 п'ес («Суд Шамякін», «Усякі Ерамей пра сябе разумей», «Забаўкі маскоўскіх жыхароў на Масленіцы» і інш), не захаваліся да нашага часу, таксама быў аўтарам ўрачыстых од (вядома, што пачаў пісаць оду «Пётр Вялікі») і песень (захаваліся «Ты праходзіш міма келлі дарагая» аб гвалтоўна падстрыжанай ў манахіні і «Станем, браткі, спяваць старую песню, як жылі ў першым стагоддзі людзі» аб мінулым Залатым стагоддзі). Акрамя гэтага ён займаўся мастацкім афармленнем спектакляў; вядомая яго карціна, якая паказвае яго і братоў падчас спектакля, бюст Пятра I; паводле падання яго працай з'яўляецца і разьбяны іканастас Мікола-Надзеінскай царквы ў Яраслаўлі. Іграў на шматлікіх інструментах і ствараў музыку да спектакляў.