![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ef/Members_of_Pacific_Island_Forum.svg/langbe-640px-Members_of_Pacific_Island_Forum.svg.png&w=640&q=50)
Форум ціхаакіянскіх астравоў
From Wikipedia, the free encyclopedia
Форум ціхаакіянскіх астравоў (англ.: Pacific Islands Forum) — міжурадавая арганізацыя, асноўнай мэтай якой з'яўляецца паглыбленне супрацоўніцтва паміж незалежнымі дзяржавамі Ціхага акіяна і прадстаўленне іх інтарэсаў. Форум быў заснаваны ў 1971 годзе пад назвай Паўднёваціхаакіянскі форум (англ. South Pacific Forum), але ў 2000 годзе для карэктнага адлюстравання геаграфічнага становішча яго членаў, якія знаходзяцца як у паўночнай, так і ў паўднёвай частках Ціхага акіяна, арганізацыя была перайменаваная ў Форум ціхаакіянскіх астравоў.
![Thumb image](http://upload.wikimedia.org/wikipedia/commons/thumb/e/ef/Members_of_Pacific_Island_Forum.svg/640px-Members_of_Pacific_Island_Forum.svg.png)
Членамі форуму з'яўляюцца Аўстралія, Вануату, Кірыбаці, Маршалавы Астравы, Науру, Новая Зеландыя, Ніуэ, Астравы Кука, Палаў, Папуа - Новая Гвінея, Самоа, Саламонавы Астравы, Тонга, Тувалу, Федэратыўныя Штаты Мікранезіі і Фіджы. З 2006 года асацыяванымі членамі ФЦА сталі заморскія тэрыторыі Францыі - Новая Каледонія i Французская Палінезія.