![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/99/Montpellier_H%25C3%25A9rault_Sport_Club_%2528logo%252C_2000%2529.svg/langbe-640px-Montpellier_H%25C3%25A9rault_Sport_Club_%2528logo%252C_2000%2529.svg.png&w=640&q=50)
ФК Манпелье
французскі футбольны клуб / From Wikipedia, the free encyclopedia
«Манпелье» (фр.: Montpellier Hérault Sport Club) — французскі футбольны клуб з горада Манпелье, дэпартамент Эро. Заснаваны ў 1974 годзе ў выніку зліцця двух клубаў «Montpellier-Littoral FC» і «AS Paillade». Чэмпіён Францыі (2012) і двухразовы ўладальнік Кубка Францыі. Хатняй арэнай з 1976 года з’яўляецца «Стад дэ ла Масон», які здольны змясціць амаль 33 тысячы чалавек. Пасля перамогі ў Кубку Францыі ў 1929 годзе, «Манпелье» ў 1932 годзе прымаў удзел у першым сезоне чэмпіянату Францыі па футболе разам з дзевятнаццацю іншымі клубамі. У 1974 годзе клуб быў набыты французскім прадпрымальнікам Луі Нікаленам, які з’яўляўся прэзідэнтам і асноўным акцыянерам клуба да 2017 года. Цяперашнюю назву каманда атрымала ў 1989 годзе, а да гэтага часу каманда называлася «Montpellier Paillade Sport Club».
Манпелье | ||||
---|---|---|---|---|
![]() | ||||
Поўная назва | Montpellier Hérault Sport Club | |||
Заснаваны | 1974 | |||
Горад | Манпелье, Францыя | |||
Стадыён |
Стад дэ ла Масон Умяшчальнасць: 32 900 |
|||
Уладальнік | Ларан Нікален[d] | |||
Галоўны трэнер | ||||
Чэмпіянат | Ліга 1 | |||
2022/23 | 12 месца | |||
Сайт | Афіцыйны сайт | |||
|
За клуб у свае часы гулялі некалькі вядомых ігракоў, у першую чаргу Ларан Блан, які з’яўляецца найлепшым бамбардзірам клуба ўсіх часоў. Эрык Кантана, Ражэ Міла і Карлас Вальдэрама таксама абаранялі колеры клуба. У 2001 годзе «Манпелье» стварыў жаночую футбольную каманду.