Усходняя канферэнцыя — адна з дзвюх канферэнцый, якія выкарыстоўваюцца для падзелу каманд у Нацыянальнай хакейнай лізе. Другой канферэнцыяй з’яўляецца Заходняя канферэнцыя.
| NHL Eastern Conference Conférence de l'Est LNH | |
|---|---|
| Заснаваны: | 1974 |
| Краіна: |
 ЗША  Канада |
| Колькасць каманд: | 16 |
| Дзеючы пераможца: | Тампа-Бэй Лайтнінг |
| Найбольшая колькасць тытулаў: | Манрэаль Канадыенс (7) |
Усходняя канферэнцыя была створана ў 1974 годзе, калі НХЛ была падзелена на 2 канферэнцыі і 4 дывізіёны, і першапачаткова насіла назву «Канферэнцыя Прынца Уэльскага». Паколькі новыя канферэнцыі і дывізіёны не адлюстроўвалі паўночнаамерыканскую геаграфію, геаграфічныя назвы былі адменены. Усходняя канферэнцыя складалася з двух дывізіёнаў:«Дывізіён Адамса» і «Дывізіён Норыса». У 1981 годзе склады дывізіёнаў былі зменены для большай геаграфічнай адпаведнасці, аднак, назвы засталіся ранейшымі. Дывізіён Норыса «пераехаў» на захад, а Дывізіён Патрыка — на ўсход. Змена назваў адбылася ў 1993 годзе. Дывізіён Адамса змяніў назву на «Паўночна-ўсходні», а Дывізіён Патрыка быў пераназваны ў «Атлантычны дывізіён». Нягледзячы на ўсе гэтыя змены, трафей чэмпіёна канферэнцыі Прыз прынца Уэльскага захаваў сваю назву.
Дывізіёны
Да пераўтварэнняў 1993 года, Канферэнцыя Прынца Уэльскага складалася з Дывізіёна Адамса і Дывізіёна Патрыка. У 1998 быў сфарміраваны Паўднёва-ўсходні дывізіён. Перад сезонам 2013/2014 былі скасаваны Паўночна-ўсходні і Паўднёва-ўсходні дывізіёны, а іх месца заняў Сталічны дывізіён. У наш час Усходняя канферэнцыя прадстаўлена 16 камандамі, падзеленымі на 2 дывізіёны: Атлантычны і Сталічны.
Чэмпіёны
Да 1982 года ў НХЛ была ўнікальная сістэма плэй-оф у параўнанні з НФЛ, НБА і МЛБ. У плэй-оф каманды былі пасеяныя ў незалежнасці ад прыналежнасці да канферэнцыі. У выніку, дзве каманды з адной канферэнцыі маглі сустрэцца ў фінале Кубка Стэнлі, як гэта і было ў 1977, 1978 і 1980 гадах. У рамках гэтай сістэмы, чэмпіёнам Уэльскай канферэнцыі, і, такім чынам, пераможцам прыза прынца Уэльскага, станавілася каманда, якая фінішавала на 1 месцы ў канферэнцыі па выніках рэгулярнага сезона.
Пачынаючы з 1982 годзе, пераможцам прыза прынц Уэльскага, станавіцца каманда, якая выйграла ў фінале плэй-оф Уэльскай/Усходняй канферэнцыі.
Уладальнікі Кубка Стэнлі
- 1975-76 — Манрэаль Канадыенс
- 1976-77 — Манрэаль Канадыенс
- 1977-78 — Манрэаль Канадыенс
- 1978-79 — Манрэаль Канадыенс
- 1981-82 — Нью-Ёрк Айлендэрс
- 1982-83 — Нью-Ёрк Айлендэрс
- 1985-86 — Манрэаль Канадыенс
- 1990-91 — Пітсбург Пінгвінз
- 1991-92 — Пітсбург Пінгвінз
- 1992-93 — Манрэаль Канадыенс
- 1993-94 — Нью-Ёрк Рэйнджэрс
- 1994-95 — Нью-Джэрсі Дэвілз
- 1999-00 — Нью-Джэрсі Дэвілз
- 2002-03 — Нью-Джэрсі Дэвілз
- 2003-04 — Тампа-Бэй Лайтнінг
- 2005-06 — Караліна Харыкейнз
- 2008-09 — Пітсбург Пінгвінз
- 2010-11 — Бостан Бруінз
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
