Уваскрасенне Ісуса Хрыста, Змёртвыхпаўстанне Езуса Хрыста (грэч. ἀνάστασις, лац.: resurrectio) -- вяртанне да жыцця Ісуса Хрыста пасля выкліканай распяццем на Крыжы Яго смерці і пахаванні. Аднайменная назва і ў прызначанага ў памяць гэтай падзеі вялікага хрысціянскага свята -- Светлага Хрыстова Уваскрасення або Вялікадня.
Уваскрашэнне з мёртвых Ісуса Хрыста з'яўляецца цэнтральнай дактрынай Хрысціянства. Згодна з апосталам Паўлам ўся хрысціянская вера трымаецца на ўваскрасенні: «Калі прапаведуюць, што Хрыстос уваскрос з памерлых, то чаму некаторыя з вас кажуць, быццам няма ўваскрашэння памерлых? Калі ж няма ўваскрашэння памерлых, то і Хрыстос не ўваскрос! А калі Хрыстус не ўваскрос, то марнае і прапаведаванне нашае, і вера ваша марная. Але Хрыстус уваскрос з памерлых, Першынец сярод тых, якія памерлі» (1 Кар. 15,12-14. 20). Дагмат пра ўваскрасенне Хрыста з мёртвых на трэці дзень быў сфармуляваны ў старажытным Апостальскім сімвале веры. Хрысціяне разглядаюць уваскрасенне Хрыста як частку плана збаўлення і адкуплення.
Гісторыя пра ўваскрасенне Хрыста з мёртвых згадваецца ў Новым Запавеце ў пяці месцах, у тым ліку ва ўсіх Евангеллях. Акрамя таго сам Ісус некалькі разоў у Новым Запавеце казаў, што Ён павінен памерці ад рук святароў у Іерусаліме і тым здзейсніць Божы план адносна чалавецтва. У Старым Запавеце маецца шэраг прароцтваў, згодна якім надыходзячы Месія вытрымае пакуты, загіне, а потым паўстане з мёртвых.
Евангельскія падзеі ўваскрасення
Падзеі ночы, у якую ўваскрос Ісус Хрыстос, апісаны ў чатырох Евангеллях (Мф 28. 1-10; Мк 16. 1-11; Лк 24. 1-12; Ін 20. 1-18). Кароткае згадванне пра некаторыя з падзеі маецца ў першым лісце апостала Паўла да Карынфян (15. 4-5).
Усе евангельскія падзеі адносна смерці і ўваскрасення Ісуса Хрыста можна аб'яднаць у тры групы:
- Падзеі, звязаныя з укрыжаваннем і пахаваннем
- Адкрыццё, што труна, у якую палажылі Хрыста, пустая
- З'яўленне Уваскрэслага Хрыста розным людзям.
Гл. таксама
- Уваскрэсенне
- Вялікдзень
Спасылкі
На Вікісховішчы ёсць медыяфайлы па тэме Уваскрэсенне Ісуса Хрыста
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
