![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/27/Yellow_adipose_tissue_in_paraffin_section_-_lipids_washed_out.jpg/640px-Yellow_adipose_tissue_in_paraffin_section_-_lipids_washed_out.jpg&w=640&q=50)
Тлушчавая тканка
From Wikipedia, the free encyclopedia
Тлушчавая тканка — разнавіднасць злучальнай тканкі жывых арганізмаў, якая ўтвараецца з мезенхімы і складаецца з тлушчавых клетак - адыпацытаў. Амаль усю тлушчавую клетку, спецыфічная функцыя якой - назапашванне і абмен тлушчу, запаўняе тлушчавая кропля, акружаная абадком цытаплазмы з адсунутым на перыферыю клеткавым ядром. У пазваночных тлушчавая тканка размяшчаецца галоўным чынам пад скурай (падскурна-тлушчавая абалоніна) і ў сальніку, паміж органамі, утвараючы мяккія пругкія пракладкі. У большасці выпадкаў - гэта круглявае, жоўтае жалепадобнае цела.
![Thumb image](http://upload.wikimedia.org/wikipedia/commons/thumb/2/27/Yellow_adipose_tissue_in_paraffin_section_-_lipids_washed_out.jpg/640px-Yellow_adipose_tissue_in_paraffin_section_-_lipids_washed_out.jpg)
Асноўнае фізіялагічнае значэнне тлушчавай тканкі: яна засцерагае арганізм ад страты цяпла і нясе функцыю энергетычнага дэпо (пры галаданні колькасць тлушчу ў клетках памяншаецца, пры ўзмоцненым харчаванні - павялічваецца). У водных млекакормячых, якія жывуць у халодных водах Арктыкі і Антарктыкі, пласт падскурнай тлушчавай абалонкі дасягае значнай таўшчыні (у некаторых кітоў - да 50 см).