Смутак
From Wikipedia, the free encyclopedia
Смутак, таксама Сум, Туга, (састар.: Скруха) — адмоўна афарбаваная эмоцыя. Узнікае ў выпадку значнай нездаволенасці чалавека ў якіх-небудзь аспектах яго жыцця. Паняцце смутку лічыцца процілеглым радасці і блізка па значэнні такім, як сум, туга, засмучэнне, скруха, няшчасце, меланхалія. Часам гэтыя словы лічацца сінонімамі. У клінічным стане смутак пераходзіць у дэпрэсіўныя станы арганізма. Гэта можа пацягнуць за сабой сталыя прыступы меланхаліі, дрэннага настрою, няздольнасць рабіць звычайныя паўсядзённыя справы. У мастацтве смутак нярэдка рабіўся рухавіком, а часам і асноўным філасофскім складнікам твора.