Рэйхсфюрар СС

Рэйхсфюрар СС (ням.: Reichsführer-SS: «Імперскі кіраўнік ахоўных атрадаў») — першапачаткова да 1934 года спецыяльная пасада, а затым і вышэйшае званне ў СС (у 1925—1926 — гэта пасада звалася Оберляйтар СС).

Рэйхсфюрар СС Генрых Гімлер

Пагон

Пятліца (1942-45)

Вызначэнне

«Рэйхсфюрар СС» было званнем і пасадай адначасова. Пасада рэйхсфюрара CC была створана ў 1926 годзе Іозефам Берхтольдам. Папярэднік Берхтольда, Юліус Шрэк, ніколі не зваў сябе «рэйхсфюрарам» (пасада звалася «оберляйтар», гэта значыць «старэйшы кіраўнік»), аднак гэта пасада была прысвоена яму заднім чыслом у пазнейшыя гады.

У 1929 годзе рэйхсфюрарам СС быў прызначаны оберфюрар СС Генрых Гімлер, які стаў зваць сябе з 1934 года менавіта рэйхсфюрарам, замест свайго звычайнага эсэсаўскага звання (1 студзеня 1933 Гімлеру было прысвоена вышэйшае на той час званне ў СА і СС — обергрупенфюрар). Гэта і стала прэцэдэнтам.

У 1934 годзе, пасля Ночы доўгіх нажоў, пасада Гімлера стала афіцыйным званнем. З гэтага моманту званне рэйхсфюрара СС стала вышэйшым званнем у СС і атрымала адпаведнасць званню генерал-фельдмаршала ў нямецкай арміі.

Рэйхсфюрары СС

За ўсю гісторыю СС толькі пяць чалавек займалі пасаду оберляйтара і рэйхсфюрара СС.

Рэйхсфюрар СС

Імя	Перыяд	Нумар білета СС	Дата ўступлення ў СС	Нумар білета НСДАП
Юліус Шрэк	1925-1926	5	4 красавіка 1925 (сузаснавальнік СС)	53
Іозеф Берхтольд	1926-1927		-	964
Эрхард Хайдэн	1927-1929		-	74
Генрых Гімлер	6 студзеня 1929-29 красавіка 1945	168	8 жніўня 1925	14.303
Карл Ханке	29 красавіка-5 мая 1945	203.013	15 лютага 1934	102.606

Гл. таксама

• Корпусныя колеры (Войскі СС)
• Званні і знакі адрознення войскаў СС

Малодшае званне Оберстгрупенфюрар

Рэйхсфюрар СС

Старэйшае званне не