Федэральная служба войскаў нацыянальнай гвардыі

Федэральная служба войскаў нацыянальнай гвардыі (Расгвардыя) — орган выканаўчай улады ў Расійскай Федэрацыі. Федэральная служба была створана ўказам Прэзідэнта Расійскай Федэрацыі Уладзіміра Пуціна ад 5 красавіка 2016 года № 157 ^[2]. Дырэктарам службы з моманту яе заснавання з’яўляецца генерал арміі Віктар Васільевіч Золатаў.

Федэральная служба войскаў нацыянальнай гвардыі
скарочана — Расгвардыя
эмблема Расгвардыіі
Агульная інфармацыя
Краіна	Расія
Юрысдыкцыя	Расія
Дата стварэння	2016
Папярэднія ведамствы	Унутраныя войскі МУС Расіі АМАП САХР і іншыя арганізацыі
Вышэйшае ведамства	Урад Расійскай Федэрацыі
Штаб-кватэра	Масква Краснаказарменная вуліца[d]
Колькасць супрацоўнікаў	340 000 чал.[1]
Дырэктар	Віктар Золатаў
Падведамны орган	Войскі нацыянальнай гвардыі Расійскай Федэрацыі Ахова Расгвардыі
Сайт	rosguard.gov.ru

Структура

Пры стварэнні Расгвардыі ў склад Расгвардыі ўвайшлі ^[3]:

• Унутраныя войскі МУС Расіі
• АМАП
• САХР
• Цэнтр спецыяльнага прызначэння пазаведамаснай аховы МУС РФ
• Цэнтр спецыяльнага прызначэння сіл аператыўнага рэагавання і авіяцыі МУС РФ

На дадзены момант Расгвардыя падзяляецца на ^[4]:

• Акругі войскаў нацыянальнай гвардыі:
  • Цэнтральная Аршанска-Хінганская Чырванасцяжная акруга
  • Паўночна-Заходняя ордэна Чырвонай Зоркі акруга
  • Паўночна-Каўказская акруга
  • Паўднёвая акруга
  • Прыволжская акруга
  • Уральская акруга
  • Сібірская акруга
  • Усходняя акруга
• Непасрэдна падпарадкаваныя часткі (арганізацыі):
  • Асобная дывізія аператыўнага прызначэння
  • Цэнтральны вузел сувязі
  • Галоўны цэнтр інфармацыйных тэхналогій
  • Навуковы цэнтр стратэгічных даследаванняў
  • іншыя арганізацыі
• Адукацыйныя ўстановы
• Падраздзялення па напрамках дзейнасці

Ацэнкі і крытыка

23 жніўня 2018 года расійскі апазіцыянер Аляксей Навальны на сваім канале на YouTube выклаў расследаванне аб тым, што кіраўніцтва Расгвардыі закупляе для сваіх супрацоўнікаў прадукты ў аднаго пастаўшчыка па завышаных цэнах^[5]. У снежні 2018 года стала вядома, што закупкі Расгвардыі правяраюць ФСБ, ФАС, ваенная пракуратура, а таксама ўласная ўнутраная служба бяспекі Расгвардыі^[6].

Зноскі

1. https://web.archive.org/web/20171004190735/https://ria.ru/defense_safety/20170203/1487134178.html
2. История | Росгвардия (нявызн.)(недаступная спасылка). Архівавана з першакрыніцы 25 жніўня 2020. Праверана 19 жніўня 2020.
3. Указ Президента Российской Федерации № 157 от 5 апреля 2016 года «Вопросы Федеральной службы войск национальной гвардии Российской Федерации» // kremlin.ru
4. Структура | Росгвардия (нявызн.)(недаступная спасылка). Архівавана з першакрыніцы 21 жніўня 2020. Праверана 19 жніўня 2020.
5. Аляксей Навальны. Кто из них объедает Росгвардию? (руск.). Youtube (23 жніўня 2018). Праверана 19 жніўня 2020.
6. Росгвардия проводит внутреннюю проверку закупок