From Wikipedia, the free encyclopedia
Пашырэнне файла (ад англ.: filename extension — падаўжэнне назвы файла) — частка назвы файла ў аперацыйных сістэмах, якая знаходзіцца за апошняй ад канца назвы кропкай (калі ёсць); такая частка выдзяляецца ўмоўна і асобна не існуе.
Напрыклад, у назве доўгая.назва.exe
пашырэннем лічыцца «exe» а ў назве доўгаяназваexe
пашырэння няма («пустое» або «нулявое» пашырэнне). На той ці іншы змест пашырэння могуць указваць, запісваючы яго разам з пачатковай кропкай, у папярэднім прыкладзе — «.exe».
Такі дадатак (прыпіска) да ўласна назвы файла быў уведзены ў некаторых аперацыйных сістэмах у 1970-х гадах і пачаткова ўказваў на тып зместу файла, у некаторых выпадках — і на неабходныя метады яго апрацоўкі, напрыклад, у выпадку выканальных файлаў ў аперацыйных сістэмах CP/M, MS-DOS, OS/2, Windows і інш.
Так, ва ўсёй лініі АС Windows назвы файлаў узору <...>.com
і <...>.exe
(як і ў ранейшых сістэмах MS-DOS і OS/2) азначаюць выканальны файл. Назвы файлаў на ўзор <...>.bat
(як і ў MS-DOS і OS/2) і <...>.cmd
(як і ў OS/2) азначаюць файл праграмы на мове каманднай абалонкі, які апрацоўваецца сістэмным загрузчыкам вонкава аднолькава з бінарнымі выканальнымі файламі.
У аперацыйных сістэмах, у якіх загрузка праграм адбываецца без увагі да гэтай часткі назвы (напрыклад, UNIX), пашырэнне назвы апрацоўваецца на ўзроўні карыстальніцкіх праграм.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.