Мастэрс 2018 (снукер)
From Wikipedia, the free encyclopedia
From Wikipedia, the free encyclopedia
Ма́стэрс 2018 (англ.: Masters 2018, таксама вядомы як Dafabet Masters 2018 — ад назвы спонсара) — прафесійны нярэйтынгавы турнір па снукеры, які праходзіў з 14 па 21 студзеня 2018 года ў «Аляксандра-палацы» ў Лондане, Англія. Найпрэстыжнейшае і найбуйнейшае па прызавых грошах запрашальнае снукернае спаборніцтва, а таксама другое спаборніцтва Трайной кароны ў сезоне 2017/2018. Турнір стаў 44-м розыгрышам Мастэрс, які праходзіць штогод з 1975 года. Кампанія Dafabet у пяты раз запар спансавала турнір Мастэрс. Прызавы фонд турніру склаў £600,000, з якіх £200,000 атрымаў пераможца.
Мастэрс 2018 | |
Сезон | 2017/2018 |
---|---|
Тэрміны | 14–21 студзеня 2018 |
Арэна | «Аляксандра-палац» |
Горад | Лондан |
Краіна | Англія |
Арганізацыя | WPBSA |
Спонсар | Dafabet |
Фармат | Нярэйтынгавы турнір |
Агульны прызавы фонд | £600,000 |
Прызавыя пераможцы | £200,000 |
Мінулы чэмпіён | Роні О’Саліван |
Фінал | |
Пераможца | Марк Ален |
Фіналіст | Кайрэн Уілсан |
Лік | 10:7 |
Статыстыка турніру | |
Колькасць удзельнікаў | 16 |
Колькасць матчаў | 15 |
Колькасць соценных серый | 28 |
Найвышэйшая серыя | 139 (Лян Вэньбо) |
←2017 ● Мастэрс ● 2019→ | |
Снукерны сезон 2017/2018 | |
←Адкрыты чэмпіянат Шатландыі | German Masters→ |
У турніры прынялі ўдзел 16 гульцоў, якія займалі найвышэйшыя пазіцыі ў афіцыйным рэйтынгу. Яны ўсе пачалі турнір са стадыі 1/8 фіналу без якіх-небудзь папярэдніх матчаў. Пасеў гульцоў на турнір адбываўся адразу пасля чэмпіянату Вялікабрытаніі 2017 года. Такім чынам, Ніл Робертсан, які падчас Мастэрс займаў 15-ю пазіцыю, але падняўся з 20-га месца толькі пасля адкрытага чэмпіянату Шатландыі 2017 года, не прымаў удзелу на турніры ўпершыню з 2006 года. Замест Сцюарта Бінэма, які 12-ю пазіцыю ў рэйтынгу, але быў адхілены ад удзелу ў прафесійных турнірах, на турнір патрапіў 17-ы нумар рэйтынгу Лян Вэньбо. Усе паядынкі турніру гуляліся за адным сталом на арэне Аляксандра-палаца.
Пераможцам турніру ўпершыню стаў Марк Ален, які здабыў свой першы тытул Трайной кароны і стаў першым прадстаўніком Паўночнай Ірландыі, які перамога на адным з трох найбуйнейшых снукерных турніраў, з 1987 года (калі Дэніс Тэйлар стаў пераможцам Мастэрс). На шляху да перамогі ён перайграў Луку Брэсэля (6:3), пераможцу двух апошніх розыгрышаў Роні О’Салівана ў чвэрцьфінале (6:1), Джона Хігінса ў паўфінальным матчы (6:3) і Кайрэна Уілсана ў фінальным паядынку (10:7). Такім чынам, 31-гадовы снукерыст выйграў 10-ы прафесійны турнір у кар'еры, а таксама першы турнір амаль за 2 гады (пасля перамогі ў Гранд-фінале PTC у сакавіку 2016 года). Апроч таго, Ален стаў 22-м чэмпіёнам найбуйнейшага запрашальнага спаборніцтва.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.