Лясныя могілкі (Талін)

У паняцця ёсць і іншыя значэнні, гл. Лясныя могілкі.

Лясныя могілкі (эст.: Metsakalmistu — Метсакальмісту) — могілкі ў горадзе Таліне, дзе пахаваны найбуйнейшыя пісьменнікі, мастакі, скульптары, архітэктары і палітычныя дзеячы Эстоніі. Размешчаны ў мікрараёне Клаастрыметса (вуліца Клаастрыметса 36). Агульная плошча — 48,3 га. Унесены ў Дзяржаўны рэгістр помнікаў культуры Эстоніі як помнік гісторыі.

Лясныя могілкі?
эст.: Metsakalmistu
59°28′11″ пн. ш. 24°52′14″ у. д.HGЯO
Размяшчэнне
Гісторыя
Дата заснавання	1933
Медыяфайлы на Вікісховішчы

Гісторыя

Лясныя могілкі былі заснаваны па рашэнні гарадскіх уладаў у 1933 годзе ў Клаастрыметсе, а цырымонія адкрыцця адбылася ў 1939 годзе. Першапачаткова плошча могілак была 24,2 га, але пазней яны былі пашыраны і ў цяперашні час займаюць 48,3 га.

Лясныя могілкі — могілкі натуральнага выгляду, і патрабаваннямі да іх афармлення забаронена ўстанаўліваць мемарыялы і магільныя агароджы. Першапачаткова патрабаваннем да мемарыяльнай пліты быў памер 80 на 60 см, але пазней стандарт даўжыні каменя павялічылі да 1,5 м.

У 1936 годзе на могілках была ўзведзена капліца па праекце архітэктара Герберта Ёхансана. Яна ўнесена ў Дзяржаўны рэгістр помнікаў культуры Эстоніі як помнік архітэктуры.

У 2006 годзе на могілках быў створаны калумбарый.

Спасылкі

• На Вікісховішчы ёсць медыяфайлы па тэме Лясныя могілкі (Талін)