Крыштаф Пётр Вайніловіч

Крыштаф Пётр Вайніловіч (нар. 1649 — пасля 1688) — ураднік Вялікага Княства Літоўскага.

Крыштаф Пётр Вайніловіч
Сыракомля
падчашы мазырскі[d]
стольнік мазырскі[d]
Нараджэнне	1649
Смерць	не раней за 1688
Род	Вайніловічы
Бацька	Людвік Казімір Вайніловіч
Маці	Ганна з Тэльшаўскіх[d]
Жонка	Людвіка з Расудоўскіх[d]
Дзеці	Францішак Казімір Вайніловіч

У Вікіпедыі ёсць артыкулы пра іншых людзей з прозвішчам Вайніловіч.

Біяграфія

Належаў да каталіцкага сярэднезаможнага шляхецкага роду Вайніловічаў герба «Сыракомля». Нарадзіўся ў сям’і Людвіка Казіміра Вайніловіча, падчашага мсціслаўскага і стольніка мазырскага, і Ганны з Тэльшаўскіх.

Хрышчаны 8 красавіка 1649 г. Падчашы мазырскі (1670), служыў у князя Міхала Казіміра Радзівіла у 1671—1674 гадах, пазней стольнік мазырскі (?). Спадчыннік маёнткаў Савічы, Пузаў, Клюкавічы, з якіх прадаў сваю частку Клюкавічаў Себасцяну Вайніловічу.

Сям’я

У шлюбе з Людвікай з Расудоўскіх герба «Рох ІІІ».

Меў сыноў:

• Францішак Казімір (пам. 1745), падчашы мазырскі, губернатар Нясвіжскага княства князёў Радзівілаў.
• Антоні, ксёндз езуіцкага закону, рэктар у Жодзішках у 1735 г., потым ў Горадні і Менску.

Спасылкі

• Рыбчонак С. 12/10. Крыштаф Пётр // Радавод Вайніловічаў гербу «Сыракомля» змененая // Герольд Litherland. Горадня-Менск. 2011. — № 18. — С.116-123