![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9c/Derby_Cathedral_-_geograph.org.uk_-_1362090.jpg/640px-Derby_Cathedral_-_geograph.org.uk_-_1362090.jpg&w=640&q=50)
Кафедральны квартал (Дэрбі)
From Wikipedia, the free encyclopedia
Кафедральны квартал (англ.: Cathedral Quarter) — адзін з пяці кварталаў у цэнтры Дэрбі, размешчаны побач з Саборам Усіх Святых. На поўначы і захадзе абмежаваны праездам святога Олкмунда (St Alkmund's Way) і Форд-стрыт (Ford Street), з усходу — ракой Дэрвент, і Альберт-стрыт (Albert Street), Вікторыя-стрыт (Victoria Street), Уордвік (Wardwick) і Фрыяргейт (Friargate) з поўдня.
![Thumb image](http://upload.wikimedia.org/wikipedia/commons/thumb/9/9c/Derby_Cathedral_-_geograph.org.uk_-_1362090.jpg/320px-Derby_Cathedral_-_geograph.org.uk_-_1362090.jpg)
Гэта гандлёвы, дзелавой і культурны квартал са мноствам мастацкіх галерэй і турыстычных месцаў. Сярод іх — Музей і мастацкая галерэя Дэрбі, Цэнтральная бібліятэка Дэрбі, Бібліятэка мясцовых студый (Derby Local Studies Library), «Шаўковая фабрыка», ратуша, турыстычны інфармацыйны цэнтр, Сабор усіх святых і гэтак далей. З «шаўковай фабрыкі»пачынаецца комплекс фабрык са спісу Сусветнай спадчыны Вялікабрытаніі.