![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/66/Zeya_River_and_Island.jpg/640px-Zeya_River_and_Island.jpg&w=640&q=50)
Зея (рака)
рака ў Амурскай вобласці Расіі / From Wikipedia, the free encyclopedia
Зе́я — рака ў Расіі, левы прыток Амура.
Зея | |
---|---|
руск.: Зея кіт.: 结雅 маньчж. ᠵᡳᠩᡴᡳᡵᡳ ᠪᡳᡵᠠ | |
![]() | |
Характарыстыка | |
Даўжыня | 1 242 км |
Басейн | 233 000 км² |
Расход вады | 1 910 м³/с |
Вадацёк | |
Выток | Станавы хрыбет |
• Вышыня | ??? м |
• Каардынаты | 55°44′10″ пн. ш. 130°34′20″ у. д.HGЯO |
Вусце | Амур |
• Вышыня | ??? м |
• Каардынаты | 50°14′31″ пн. ш. 127°35′52″ у. д.HGЯO |
Размяшчэнне | |
Водная сістэма | Амур → Ахоцкае мора |
Краіна | |
Код у ДВР | 20030400112118100022394 |
![]() ![]() |
|
![]() |
Даўжыня Зеі 1242 км, плошча басейна 233 тыс. км².
Пачынаецца на паўднёвых схілах Станавога хрыбта (у хрыбце Такійскі Станавік), цячэ па тэрыторыі Амурскай вобласці, упадае ў Амур у раёне Благавешчанска. Рака цячэ па Верхнязейскай раўніне ў даліне з шырокай поймай. Прарэзвае хрыбты Тукурынгра і Сактахан, утварае скалістую цясніну — Зейскія Вароты. У межах Амурска-Зейскай раўніны даліна месцамі пашыраецца да 10—20 км. Ніжэй вусця ракі Селемджа цячэ па Зейска-Бурэінскай раўніне па шырокай забалочанай даліне.
Асноўныя прытокі: Ток, Мульмуга, Бранта, Гілюй, Уркан (справа), Купуры, Аргі, Дзеп, Селемджа, Том (злева).
Жыўленне пераважна дажджавое. Ледастаў з лістапада да пачатку мая, у вярхоўі перамярзае. Пашырана шматгадовая мерзлата. У басейне 3еі больш за 19,5 тыс. азёр агульнай плошчай 1021 км². Суднаходная ніжэй Зейскай ГЭС і па вадасховішчы.
У басейне ракі Зейскі запаведнік. На рацэ — гарады: Зея, Свабодны, Благавешчанск. Створана Зейская ГЭС і Зейскае вадасховішча.
У гонар ракі быў названы касмічны апарат Зея.