![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/47/POL_wojew%25C3%25B3dztwo_zachodniopomorskie_COA.svg/langbe-640px-POL_wojew%25C3%25B3dztwo_zachodniopomorskie_COA.svg.png&w=640&q=50)
Грыфон
From Wikipedia, the free encyclopedia
Грыфон (грэч. γρύφων ці γρύπων, таксама γρύψ; лац.: gryphus) — легендарная істота з целам ільва і галавой і крыламі арла. Звычайна мае вострыя кіпцюры і беласнежныя ці залатыя крылы.
![Thumb image](http://upload.wikimedia.org/wikipedia/commons/thumb/4/47/POL_wojew%C3%B3dztwo_zachodniopomorskie_COA.svg/640px-POL_wojew%C3%B3dztwo_zachodniopomorskie_COA.svg.png)
Паколькі леў традыцыйна лічыўся царом звяроў, а арол быў царом птушак, то Грыфон лічыўся асабліва магутнай і велічнай істотай, каралём істот. Грыфоны былі вядомы як ахоўнікі скарбаў і каштоўнай маёмасці.
Выявы грыфонаў сустракаюцца ў рэлігіях Старажытнага Егіпта і Вавілона, таксама яны былі частым матывам у стульптуры і выяўленчым мастацтве Старажытнага Рыма і Грэцыі. У сярэднявеччы Грыфон быў сімвалам нябеснай улады. Існуе меркаванне, што слова «Грыфон» цесна звязана з херувімам.