Белаўтадар

Холдынг «Белаўтадар» — група будаўніча-прамысловых кампаній ў Беларусі. Займае вядучае месца на рынку комплекснага будаўніцтва, рэканструкцыі і капітальнага рамонту аб’ектаў транспартнай інфраструктуры. Таксама вырабляе дарожна-будаўнічую тэхніку, дарожна-будаўнічыя матэрыялы, жалезабетонныя, сталёвыя і іншыя вырабы для дарожна-маставога будаўніцтва.

Белаўтадар
Тып	адкрытае акцыянернае таварыства
Заснаванне	24 верасня 2001
Краіна	Беларусь
Адрас	Вуліца Кальварыйская
Галіна	будаўніцтва[d]
Сайт	belavtodor.by (бел.)​ (руск.)​ (англ.)

Апісанне

У 2001 годзе быў створаны дэпартамент «Белаўтадар», пасля ліквідацыі камітэта па аўтамабільных дарогах пры Міністэрстве транспарту і камунікацый. Асноўнымі задачамі «Белаўтадара» з’яўляюцца распрацоўка і рэалізацыя дарожнай палітыкі, накіраванай на рацыянальнае развіццё і паляпшэнне тэхнічнага стану сеткі аўтадарог агульнага карыстання, задавальненне патрэб эканомікі і насельніцтва краіны ў аўтатранспартных паслугах, стварэнне ўмоў для развіцця сацыяльнай сферы; правядзенне эканамічнй і навукова-тэхнічнай палітыкі ў галіне дарожнай гаспадаркі; кіраванне рэспубліканскімі аўтамабільнымі дарогамі^[1].

У ліпені 2013 года быў створаны холдынг «Белаўтадар». Холдынг аб’яднаў прадпрыемствы ў галіне будаўніцтва дарог і транспартных аб’ектаў.

У кастрычніку 2015 года холдынг «Белаўтадар» быў перададзены з падпарадкавання Міністэрства транспарту і камунікацый Рэспублікі Беларусь у падпарадкаванне Дзяржаўнага камітэта па маёмасці Рэспублікі Беларусь.

У студзені 2017 года было створана адкрытае акцыянернае таварыства «Кіруючая кампанія холдынгу „Белаўтадар“ шляхам пераўтварэння рэспубліканскага ўнітарнага прадпрыемства» Кіруючая кампанія холдынгу «Белаўтадар».

У 2020 годзе «Белаўтадар» стаў першай кампаніяй з дзярждоляй у статутным фондзе, акцыі якой дапушчаныя да таргоў на Беларускай валютна-фондавай біржы^[2].

Структура

У складзе холдынга «Белаўтадар» 13 дарожна-будаўнічых, мостабудаўнічых, прамысловых і транспартных кампаній.

Кіраўніцтва

Органамі кіравання ААТ «Кіруючая кампанія холдынга „Белаўтадар“» з’яўляюцца агульны сход акцыянераў, наглядальны савет і выканаўчы орган — генеральны дырэктар^[3].

Кіраўнікі

• Аляксандр Васілевіч Мінін (2002—2005)^[4]
• Анатоль Міхайлавіч Лыцін (2006—2012)
• Юрый Станіслававіч Масюк

Зноскі

1. Дэпартамент «Белаўтадар» будзе скасаваны
2. Акцыі Белаўтадара прапанаваныя на беларускай біржы Архівавана 20 красавіка 2021.
3. Прынята распрацаваная з удзелам ЕБРР стратэгія развіцця «Белаўтадара» да 2023 года Архівавана 18 красавіка 2021.
4. Постановление Совета Министров Республики Беларусь от 18 февраля 2002 г. № 222 «Аб назначэнні М. П. Верхаўца першым намеснікам Міністра транспарту і камунікацый Рэспублікі Беларусь, А. В. Мініна першым намеснікам Міністра транспарту і камунікацый Рэспублікі Беларусь — дырэктарам дэпартамента „Белаўтадар“ і А. А. Несцяровіча намеснікам Міністра транспарту і камунікацый Рэспублікі Беларусь»

Спасылкі

• belavtodor.by/by//by/ — афіцыйны сайт «Белаўтадар»